گوگل نے گوگل میپس کی سیٹنگز اسکرین کو نئے ڈیزائن کے ساتھ متعارف کرانا شروع کردیا ہے، جو طویل عرصے بعد ایپ کے اس حصے میں بڑی تبدیلی سمجھی جا رہی ہے۔ نیا ڈیزائن فی الحال محدود صارفین کے لیے جاری کیا گیا ہے اور پکسل فونز پر بیٹا ورژن میں دیکھا جا سکتا ہے۔
مزید پڑھیں: گوگل میپس میں جیمنی اے آئی نے اسسٹنٹ کی جگہ لے لی
نئی سیٹنگز اسکرین کو سادہ اور منظم انداز میں ترتیب دیا گیا ہے، جس میں آپشنز کو سات بڑے حصوں میں تقسیم کیا گیا ہے، تاکہ صارفین کے لیے نیویگیشن آسان ہو سکے۔
It’s 2026. Don’t forget you can add tags to your lists on Google Maps, so start the year off right with some personal map management ✨ pic.twitter.com/Z7TQHY7a2Y
— Google Maps (@googlemaps) January 1, 2026
اہم تبدیلی یہ ہے کہ گوگل میپس سے سائن آؤٹ کا بٹن اب نمایاں جگہ پر موجود ہے، جبکہ پہلے صارفین کو نیچے تک اسکرول کرنا پڑتا تھا۔ اس کے علاوہ سیٹنگز بند کرنے کے لیے اوپر بائیں کونے میں موجود بیک ایرو کی جگہ اوپر دائیں جانب “X” بٹن دے دیا گیا ہے۔
مزید پڑھیں: عوام کے ہاتھوں گوگل میپس ٹیم کی پٹائی، مگر کیوں؟
گوگل نے کچھ آپشنز کو بھی بہتر طریقے سے متعلقہ مینو میں منتقل کیا ہے، تاہم مجموعی ڈیزائن میں اب بھی میٹیریل تھری ایکسپریسیو اسٹائل مکمل طور پر شامل نہیں کیا گیا، حالانکہ گوگل کی دیگر ایپس میں یہ ڈیزائن پہلے ہی موجود ہے۔
