مقبوضہ کشمیر میں مساجد کی پروفائلنگ پر پاکستان کا احتجاج

ہفتہ 17 جنوری 2026
icon-facebook icon-twitter icon-whatsapp

 

پاکستان نے بھارتی غیرقانونی زیرِ قبضہ جموں و کشمیر میں مساجد اور مسجد انتظامی کمیٹیوں کی مبینہ پروفائلنگ اور مذہبی امور میں مداخلت کو بین الاقوامی قوانین اور بنیادی انسانی حقوق کی سنگین خلاف ورزی قرار دیتے ہوئے اس کی شدید مذمت کی ہے۔

یہ بھی پڑھیں:مقبوضہ کشمیر میں پولیس کی نگرانی میں ڈیجیٹل پروفائلنگ پر مقامی آبادی میں شدید تشویش

اسلام آباد سے جاری بیان میں پاکستان نے کہا ہے کہ بھارتی غیرقانونی زیرِ قبضہ جموں و کشمیر میں مساجد اور مسجد انتظامی کمیٹیوں کی پروفائلنگ مذہبی آزادی میں کھلی مداخلت ہے، جو بنیادی انسانی حقوق کی صریح خلاف ورزی کے مترادف ہے۔ بیان کے مطابق یہ اقدامات مقبوضہ علاقے میں مسلم آبادی کو خوفزدہ کرنے اور انہیں حاشیے پر دھکیلنے کی ایک اور کوشش ہیں۔

اعلامیے میں کہا گیا ہے کہ زبردستی ذاتی معلومات، تصاویر اور مذہبی وابستگیوں کا حصول، مذہبی رہنماؤں کو ہراساں کرنے اور عبادت گزاروں میں خوف پیدا کرنے کی منظم مہم کا حصہ ہے، جس کا مقصد آزادانہ مذہبی عبادات میں رکاوٹ ڈالنا ہے۔

پاکستان نے کہا کہ یہ اقدامات مقبوضہ کشمیر میں ہندوتوا نظریے کے تحت ادارہ جاتی اسلاموفوبیا کے وسیع تر رجحان کا حصہ ہیں۔ مساجد اور مسلم مذہبی مقامات کو نشانہ بنانا ان پالیسیوں کے امتیازی اور فرقہ وارانہ کردار کو بے نقاب کرتا ہے۔

یہ بھی پڑھیں:مقبوضہ کشمیر کی معروف خاتون رہنما آسیہ اندرابی دہشتگردی کیس سے بری، دیگر الزامات میں مجرم قرار

بیان میں واضح کیا گیا کہ جموں و کشمیر کے عوام کو خوف، دباؤ اور امتیاز کے بغیر اپنے مذہب پر عمل کرنے کا ناقابلِ تنسیخ حق حاصل ہے۔

پاکستان نے کشمیری عوام کے ساتھ مکمل یکجہتی کا اعادہ کرتے ہوئے کہا ہے کہ وہ مقبوضہ کشمیر میں مذہبی جبر اور عدم برداشت کے تمام واقعات کے خلاف ہر فورم پر آواز اٹھاتا رہے گا۔

اعلامیے کے مطابق پاکستان کشمیری عوام کے بنیادی حقوق کے تحفظ اور مذہبی آزادی کی حمایت جاری رکھے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

مشرقِ وسطیٰ کشیدگی کے اثرات: بنگلہ دیش کی واحد آئل ریفائنری بند

سعودی عرب کی جانب سے اضافی مالی معاونت کے اعلان کے بعد پاکستان اسٹاک ایکسچینج میں زبردست تیزی

’ڈراما انڈسٹری میں پیسے نہیں، اداکار گردے بیچ کر ایمار میں گھر بنا رہے ہیں‘، کنور اسلان کے حٰیران کن بیانات

وزیراعظم شہباز شریف سعودی عرب، قطر اور ترکیہ کا اہم سفارتی دورہ پر آج روانہ ہوں گے

آبنائے ہرمز پر امریکی شکنجہ: ایران کی سمندری تجارت بند، خطے میں کشیدگی اور عالمی معیشت متاثر

ویڈیو

سعودی عرب کا پاکستان کے لیے 3 ارب ڈالر اضافی معاونت کا اعلان، 5 ارب ڈالر ڈپازٹ کی مدت میں توسیع

مریم نواز شریف کی وزارت اعلیٰ کے 2 برس، لوگ کیا کہتے ہیں؟

پاکستان کی ثالثی نے دنیا بھر کی اسٹاک مارکیٹ کو بچا لیا

کالم / تجزیہ

محبت، کتابیں اور دستوئیفسکی کے ’بیچارے لوگ‘

ایران امریکا تصادم کس طرف جا رہا ہے؟

ایک تھی آشا