سعودی عرب کے مغربی ساحلی علاقے اللیث میں گزشتہ چند دنوں کے دوران ڈولفنز کے جھنڈ مسلسل نظر آنے سے سیاحوں اور سمندری حیات کے شوقین افراد کے لیے ایک دلکش قدرتی منظر دیکھنے میں آیا، جس نے علاقے کی ماحولیاتی سیاحت کو مزید فروغ دیا ہے۔
یہ بھی پڑھیں:سعودی عرب کی قدرتی حسن سے مالامال وادی رازَن سیاحت کا نیا مرکز بن گئی
سعودی پریس ایجنسی کے مطابق مکہ مکرمہ کے جنوب میں واقع اللیث گورنریٹ کے جزائر اور ساحلی آبی گزرگاہوں میں حالیہ دنوں کے دوران ڈولفنز کے متعدد جھنڈ دیکھے گئے۔ ڈولفنز کی موجودگی کے باعث ساحلی علاقوں میں آنے والے سیاحوں، سمندری حیات کے ماہرین اور فوٹوگرافروں کی سرگرمیوں میں نمایاں اضافہ ہوا۔
You never know what you will see in Koh Tao sometimes. This time it was a pod of Bryde’s whales. Absolutely amazing day. pic.twitter.com/3hUMT9gGvj
— Fishing Niche (@FishingNiche) January 17, 2026
رپورٹ کے مطابق ڈولفنز پانی میں نہایت خوبصورتی سے تیرتی، اچھلتی اور قلابازیاں لگاتی دکھائی دیں، جس سے ایسا محسوس ہوا جیسے وہ ساحل پر موجود افراد کا استقبال کر رہی ہوں۔ اس دلکش منظر کو دیکھنے والے افراد نے ان لمحات کو کیمرے میں محفوظ کیا، جو سوشل میڈیا پر تیزی سے وائرل ہو گئے۔
یہ مناظر بحیرۂ احمر کے صاف اور شفاف پانیوں اور اللیث کے اردگرد موجود صحت مند سمندری ماحول کی عکاسی کرتے ہیں۔ ماہرین کے مطابق ڈولفنز کی بار بار موجودگی اس بات کا ثبوت ہے کہ علاقے میں سمندری حیات کے تحفظ اور ماحولیاتی توازن برقرار رکھنے کی کوششیں مؤثر ثابت ہو رہی ہیں۔
سعودی پریس ایجنسی کا کہنا ہے کہ یہ قدرتی مظاہر سعودی وژن 2030 کے اہداف سے بھی ہم آہنگ ہیں، جس کے تحت ماحولیاتی سیاحت کے فروغ، قدرتی وسائل میں سرمایہ کاری اور ماحول کے تحفظ پر خصوصی توجہ دی جا رہی ہے۔
یہ بھی پڑھیں:سعودی عرب کی وادی لجب: قدرت کا حیرت انگیز شاہکار
ماہرین کا مزید کہنا ہے کہ ایسے مناظر ذمہ دارانہ سیاحت کے فروغ، مقامی معیشت کو تقویت دینے اور سمندری سیاحت، قدرتی مشاہدے اور فوٹوگرافی جیسی سرگرمیوں کے لیے نئے مواقع پیدا کرتے ہیں، جو تفریح اور تحفظ کے درمیان توازن کی ایک بہترین مثال ہیں۔
