پاکستان کرکٹ بورڈ کے چیئرمین محسن نقوی نے ٹی20 ورلڈ کپ کے حوالے سے قومی ٹیم کی جاری تیاریوں کو عارضی طور پر روکنے کی ہدایت جاری کر دی ہے۔
میڈیا رپورٹس کے مطابق ٹیم مینجمنٹ کو آئندہ حکمتِ عملی کے بارے میں بعد میں آگاہ کیا جائے گا۔ پی سی بی نے ٹیم مینجمنٹ سے متبادل منصوبہ بھی طلب کر لیا ہے، جو اس صورت میں نافذ کیا جائے گا اگر پاکستان ٹی20 ورلڈ کپ میں شرکت نہ کرنے کا فیصلہ کرتا ہے۔
یہ بھی پڑھیے: آسٹریلیا نے پاکستان کے خلاف ٹی20 سیریز کے لیے اسکواڈ کا اعلان کردیا
پاکستان نے بنگلہ دیش کو مکمل حمایت کی یقین دہانی کرواتے ہوئے اس کے سیکیورٹی خدشات کو جائز اور قابلِ فہم قرار دیا ہے۔
میڈیا رپورٹس کے مطابق پاکستان نے واضح کیا ہے کہ اگر بنگلہ دیش کے تحفظات دور نہیں ہوتے تو وہ بھی ٹی20 ورلڈ کپ میں شرکت سے متعلق اپنے فیصلے پر نظرِ ثانی کر سکتا ہے۔
