کراچی کی نیو سبزی منڈی میں آج دکانوں میں آگ لگ گئی جس پر فوری طور پر فائر بریگیڈ اور ریسکیو عملہ موقع پر پہنچ گیا۔ ڈپٹی میئر کراچی سلمان عبداللہ مراد نے آگ پر قابو پانے کے لیے فوری ہدایات جاری کیں اور متاثرہ علاقے کو محفوظ بنانے کے اقدامات کی نگرانی کی۔
یہ بھی پڑھیں:کوئٹہ، اچکزئی پلازہ میں آگ بھڑک اٹھی، 200 سے زائد دکانیں متاثر، فائر بریگیڈ آگ پر قابو پانے میں ناکام
کراچی میں سبزی منڈی کے شیڈز میں اچانک آگ لگنے کے بعد کے ایم سی کی فائر بریگیڈ کی ایک ٹینڈر گاڑی فوری طور پر روانہ کی گئی۔ ریسکیو 1122 کا عملہ بھی جلد از جلد جائے وقوعہ پر پہنچا اور آگ پر قابو پانے کی کارروائی شروع کر دی گئی۔
ڈپٹی میئر کراچی سلمان عبداللہ مراد نے نوٹس لیتے ہوئے فائر بریگیڈ اور ریسکیو ٹیموں کو مکمل ہدایات دیں کہ آگ بجھانے کے عمل میں تیزی لائی جائے اور متاثرہ حصے کو محفوظ بنایا جائے۔ ان کے مطابق آگ کنٹرول میں ہے اور کسی قسم کے خطرے کا خدشہ نہیں۔
یہ بھی پڑھیں:اندھیرا، دھواں اور بند دروازے، سانحہ گل پلازہ کیسے پیش آیا؟ ہوشربا انکشافات
فائر بریگیڈ حکام اور ریسکیو 1122 عملہ آگ بجھانے اور متاثرہ علاقے کی حفاظت کے لیے مسلسل رابطے میں ہیں تاکہ آگ کے پھیلاؤ کو مکمل طور پر روکا جا سکے۔
