معروف کرکٹر شعیب ملک نے پاکستان سپر لیگ (پی ایس ایل) سے ریٹائرمنٹ کا اعلان کردیا۔
سابق کپتان شعیب ملک نے سماجی رابطے کی ویب سائٹ ’ایکس‘ پر پیغام جاری کرتے ہوئے کہاکہ بطور کھلاڑی انہوں نے پی ایس ایل کے 10 سال کے ہر لمحے کو بھرپور انجوائے کیا اور اب وقت آ گیا ہے کہ وہ پاکستان سپر لیگ کو الوداع کہیں۔
I cherish every single moment and friendship I have made on and off the field throughout my 10 years of the Pakistan Super League as a player. It’s time to call it a day. However, my passion and motivation to serve for the betterment of cricket will always stay.
Thank you…
— Shoaib Malik 🇵🇰 (@realshoaibmalik) January 20, 2026
شعیب ملک نے مزید کہاکہ وہ کرکٹ کی بہتری کے لیے جذبہ اور محنت کی لگن کو ہمیشہ قائم رکھیں گے۔
واضح رہے کہ شعیب ملک نے 2015 میں ٹیسٹ کرکٹ اور 2019 میں ون ڈے کرکٹ سے ریٹائرمنٹ کا اعلان کیا تھا، جبکہ ٹی20 انٹرنیشنل سے باقاعدہ ریٹائرمنٹ کا اعلان نہیں کیا۔
تاہم 44 سالہ آل راؤنڈر نے 2021 کے بعد سے قومی ٹیم کی نمائندگی نہیں کی، مگر وہ پی ایس ایل اور دیگر ٹی20 لیگز میں کھیلتے رہے۔
شعیب ملک نے پی ایس ایل کے تمام 10 سیزنز میں حصہ لیا اور اس دوران کراچی کنگز، ملتان سلطانز، پشاور زلمی اور کوئٹہ گلیڈی ایٹرز کی نمائندگی کی۔ 2025 میں انہوں نے اپنا آخری سیزن کوئٹہ گلیڈی ایٹرز کے لیے کھیلا۔
