چیئرمین پاکستان تحریک انصاف (پی ٹی آئی) عمران خان کی ہدایات پر حکومت کے ساتھ مذاکرات کے لیے تحریک انصاف کی 7 رکنی کمیٹی تشکیل دے دی گئی ہے۔
تحریک انصاف کی مذاکراتی کمیٹی میں پی ٹی آئی کے وائس چیئرمین شاہ محمود قریشی، پرویز خٹک، اسد قیصر، حلیم عادل شیخ، عون عباس بپی، مراد سعید اور حماد اظہر شامل ہوں گے۔
چیئرمین پی ٹی آئی عمران خان کی ہدایات پر حکومت کے ساتھ مذاکراتی ٹیم تشکیل دے گئی
مذاکراتی ٹیم میں شامل تمام 7 لوگوں کے نام سے نوٹیفکیشن جاری کردیا گیا
*چیئرمین تحریک انصاف عمران خان کی بنائی گئی 7 ممبران پر مبنی ٹیم انتخابات کے حوالے سے حکومت کے ساتھ لائحہ عمل طے کریگی*
شاہ… pic.twitter.com/rHYWWAoTnA
— PTI (@PTIofficial) May 27, 2023
چیئرمین تحریک انصاف عمران خان کی بنائی گئی 7 ممبران پر مشتمل ٹیم انتخابات کے حوالے سے حکومت کے ساتھ لائحہ عمل طے کرے گی۔
مذاکراتی کمیٹی کے اعلان کے بعد تحریک انصاف کے سینیئر رہنما حماد اظہر نے اپنے ایک بیان میں کہا کہ عمران خان بات چیت کے لیے تیار ہیں اب گیند حکومت کی کورٹ میں ہے۔
یہ بھی پڑھیں آرمی چیف مجھے اقتدار میں واپس آنے سے روکنے کی کوشش کررہے ہیں، عمران خان
واضح رہے کہ چیئرمین پی ٹی آئی عمران خان نے بدھ 24 مئی کے روز اپنے خطاب میں کہا تھا کہ میں ایک مذاکراتی کمیٹی تشکیل دوں گا جو انتخابات کی تاریخ کے حوالے سے حکومت کے ساتھ مذاکرات کرے گی۔
یہ بھی پڑھیں پی ٹی آئی کا مستقبل کیا ہے؟ عمران خان بھی جلا وطنی اختیار کریں گے؟
یہ بھی یاد رہے کہ عمران خان اس سے قبل یہ بھی کہہ چکے ہیں کہ ہم با اختیار لوگوں کے ساتھ بات کرنے کے لیے تیار ہیں ہماری پی ڈی ایم کے ساتھ کوئی بات چیت نہیں ہو گی۔
یہ بھی پڑھیں پی ڈی ایم نہیں ’با اختیار لوگوں‘ کے ساتھ مذاکرات کے لیے تیار ہوں: عمران خان
