پاکستان کرکٹ بورڈ نے آج لاہور میں پریس کانفرنس کے دوران 15 رکنی ٹی 20 ورلڈ کپ اسکواڈ کا اعلان کر دیا۔ پریس کانفرنس میں عاقب جاوید، مائیک ہیسن اور سلمان علی آغا نے شرکت کی اور ٹیم کے ناموں کے ساتھ ساتھ کپتان کے انتخاب کا بھی اعلان کیا۔ اس اسکواڈ کے لیے سلمان علی آغا کو پاکستانی ٹیم کا کپتان مقرر کیا گیا ہے۔
یہ بھی پڑھیں:آئی سی سی کا دوہرا معیار، بنگلہ دیش کا ساتھ دینے پر پاکستان کو تنہائی کی دھمکی، بھارتی میڈیا کا دعویٰ
نیشنل سلیکشن کمیٹی نے اسکواڈ میں فہیم اشرف، خواجہ محمد نافع، محمد سلمان مرزا، صاحبزادہ فرحان اور عثمان طارق کو شامل کیا ہے۔ علاوہ ازیں ابرار احمد، بابر اعظم، فخر زمان، محمد نواز، شاہین شاہ آفریدی، عثمان خان، صائم ایوب، شاداب خان اور نسیم شاہ بھی ٹیم کا حصہ ہیں۔
Aqib Javed, Mike Hesson & T20I Captain Salman Ali Agha Press Conference at GSL Lahore
🔴 Watch Live 👉🏻 https://t.co/drBPrc0qXi#BackTheBoysInGreen #T20WorldCup pic.twitter.com/UxnwDXNMUi
— Pakistan Cricket (@TheRealPCB) January 25, 2026
سلیکشن کمیٹی کا کہنا ہے کہ کھلاڑیوں کا انتخاب بیٹنگ، بولنگ، فیلڈنگ، فارم اور فٹنس کے حوالے سے کیا گیا ہے تاکہ پاکستان مضبوط اسکواڈ کے ساتھ عالمی مقابلوں میں حصہ لے۔
ٹی 20 ورلڈ کپ 2026 کے میچز 7 فروری سے 8 مارچ تک کھیلے جائیں گے، جس میں پاکستان 7 فروری کو نیدرلینڈز کے خلاف اپنی مہم کا آغاز کرے گا۔
Road to 🏆 2026 begins!
🇵🇰 Squad unveiled for the ICC Men’s T20 World Cup 🌍
Read More 👉🏻 https://t.co/iooMXUS5g6#BackTheBoysInGreen #T20WorldCup pic.twitter.com/VOSkvs05MC
— Pakistan Cricket (@TheRealPCB) January 25, 2026
سلیکشن کمیٹی نے بتایا کہ ٹیم میں نوجوان اور تجربہ کار کھلاڑیوں کا توازن قائم کیا گیا ہے تاکہ بہترین کارکردگی کے امکانات بڑھ جائیں اور پاکستان عالمی سطح پر مضبوط نمائندگی کرے۔
