وزیراعظم پاکستان شہباز شریف نے ٹی20 کرکٹ ورلڈ کپ کے پہلے میچ میں قومی کرکٹ ٹیم کی نیدرلینڈ کے خلاف جیت پر قوم کو مبارکباد پیش کی ہے۔
مزید پڑھیں: ٹی20 ورلڈ کپ میں فاتحانہ آغاز: محسن نقوی نے قومی ٹیم کی جیت فہیم اشرف کے جڑواں بیٹوں سے منسوب کردی
اپنے ایک بیان میں وزیراعظم شہباز شریف نے پاکستانی کرکٹ ٹیم کی شاندار کارکردگی کی پذیرائی کی، اور کھلاڑیوں سمیت مینجمنٹ کو بھی خراج تحسین پیش کیا۔
وزیرِ اعظم محمد شہباز شریف کی ٹی ٹوئنٹی کرکٹ ورلڈ کپ کے پہلے میچ میں پاکستان کی نیدرلینڈز کے خلاف میچ جیتنے پر قوم کو مبارکباد @CMShehbaz pic.twitter.com/tfLLaAEDR9
— PTV News (@PTVNewsOfficial) February 7, 2026
وزیراعظم شہباز شریف نے کہاکہ کرکٹ ٹیم نے شاندار کھیل کا مظاہرہ کرتے ہوئے شائقین کے دل جیت لیے، قومی کرکٹ ٹیم کے لیے ورلڈ کپ کا کامیاب آغاز ہے، امید ہے مستقبل میں بھی جیت کا یہ سلسلہ برقرار رہے گا۔
مزید پڑھیں: ٹیم کی جیت پر خوش ہوں، اندازہ نہیں تھا کہ آج ایسی اننگز کھیل پاؤں گا، فہیم اشرف
واضح رہے کہ پاکستان نے ٹی20 ورلڈ کپ میں فاتحانہ آغاز کرتے ہوئے پہلے میچ میں نیدرلینڈ کو 3 وکٹوں سے شکست دے دی ہے۔
