بانی پاکستان تحریک انصاف (پی ٹی آئی) عمران خان کے بھانجے اور علیمہ خان کے بیٹے شاہریز نے بھی بسنت کا جشن منایا۔
شاہریز اپنے بچوں کے ہمراہ لاہور میں اندرون شہر گئے اور وہاں پتنگ بازی کا لطف اٹھایا۔
علیمہ خان کے بیٹے کا فیملی کے ساتھ بسنت منانا اس بات کی عکاسی کرتاھے کہ روائتی تہوار اور کھیلوں کو سیاست سے الگ رکھنا چاھئے ۔
پی ٹی آئی میں جو لوگ اسے انکے خلاف استعمال کررھے ھیں یا ایسی تہواروں کو سیاسی مخالفت کی بنیاد پہ متنازعہ بنارھے ھیں ان گندے انڈوں کو شرم آنا چاھئے۔ pic.twitter.com/1BSOllLaQe— Faisal Pasha (@Faisal_hashmii) February 7, 2026
انہوں نے بتایا کہ بچپن میں خود بھی پتنگ بازی کرتے تھے اور اپنے بچوں کو بسنت کا ماحول دکھانے کے لیے اندرون لاہور میں یہ دن منایا۔
سوشل میڈیا پر بھی شاہریز کی بسنت مناتے ہوئے تصاویر سامنے آئی ہیں، جن میں وہ اپنے خاندان کے ہمراہ پتنگ اُڑاتے ہوئے دکھائی دے رہے ہیں۔
واضح رہے کہ وزیراعلیٰ پنجاب مریم نواز کے بسنت کی اجازت دینے کے فیصلے کو ان کے ناقدین کی جانب سے بھی سراہا جا رہا ہے۔
سابق وفاقی وزیر اطلاعات فواد چوہدری نے مریم نواز کے فیصلے کو سراہتے ہوئے کہاکہ ایسے تہوار منعقد ہونے چاہییں، تاہم قوانین پر عملدرآمد بھی ضروری ہے۔
