زرعی یونیورسٹی پشاور میں مسلم لیگ (ن) کے رہنما امیر مقام کے زیرِ اہتمام لیپ ٹاپ تقسیم کی تقریب کے دوران سیاسی کشیدگی دیکھنے میں آئی۔
تقریب کے موقع پر پاکستان تحریکِ انصاف اور مسلم لیگ (ن) سے تعلق رکھنے والے طلبہ کے درمیان تلخ کلامی ہوئی جس سے پروگرام کا ماحول کشیدہ ہو گیا۔
زرعی یونیورسٹی /امیر مقام /لیپ ٹاپ تقسیم پروگرام ۔۔۔۔
آئی ایس ایف ہال کے باہر جمع ۔۔۔۔نعرہ عمران اور جیوے عمران کے نعرے ۔۔۔۔۔ہال کے اندر باہر نعروں کی گونج ۔۔۔ pic.twitter.com/25SnhPQEnh
— Farzana Ali (@farzanaalispark) February 10, 2026
اس دوران اسلامک اسٹوڈنٹس فیڈریشن (آئی ایس ایف) کے کارکنان ہال کے باہر جمع ہو گئے اور سابق وزیرِاعظم و بانی پی ٹی آئی عمران خان کے حق میں نعرے بازی کی۔ مظاہرین کی جانب سے ’نعرۂ عمران‘ اور ’جیوے جیوے عمران‘ کے نعرے لگائے گئے جن کی گونج ہال کے اندر تک سنائی دیتی رہی۔
ہال کے اندر بھی پی ٹی آئی سے تعلق رکھنے والے طلبہ عمران خان کے حق میں جبکہ مسلم لیگ (ن) کے حامی طلبہ امیر مقام کے حق میں نعرے لگاتے رہے۔ اس دوران انتظامیہ صورتحال کو قابو میں رکھنے کی کوشش کرتی دکھائی دی۔
