پاکستان تحریک انصاف (پی ٹی آئی) کے بانی عمران خان کی بہن نورین نیازی نے حالیہ دنوں میں بسنت کے حوالے سے ہونے والی تنقید پر وضاحت دیتے ہوئے کہا ہے کہ حسان نیازی اور عمران خان جیل کی سختیاں برداشت کر رہے ہیں لیکن اس کا مطلب یہ نہیں کہ ہم نے کھانا پینا چھوڑ دیا ہے۔
صحافی کے سوال پر کہ کچھ لوگ کہتے ہیں کہ ایک طرف حسان نیازی اور عمران خان جیل میں ہیں اور دوسری طرف علیمہ خان کا بیٹا بسنت منا رہا ہے نورین نیازی نے جواب دیا کہ ایسی باتیں نہیں کرنی چاہیے۔
میم،بہت سارے لوگ تنقید کر رہے ہیں کہ ایک طرف آپ کا بیٹا حسان نیازی جو جیل کی سختیاں برداشت کر رہے ہیں دوسری طرف علیمہ خان صاحبہ کا بیٹا بسنت منا رہا ہے؟سوال
یہ بالکل غلط بات ہے،اب بسنت منائی یا پتنگ اڑا لی تو یہ تنقید کر رہے ہیں یہ غلط حرکت ہے اب اگر عمران خان جیل میں ہیں تو پھر… pic.twitter.com/eFqBb7pl0f
— Ahsan Wahid (@AhsanWahid13) February 10, 2026
انہوں نے مزید کہا کہ اب بسنت منائی یا پتنگ اڑا لی تو لوگ تنقید کر رہے ہیں کہ یہ غلط حرکت ہے۔ پتنگ اڑانا جرم نہیں سب اڑا رہے ہیں۔ اگر عمران خان جیل میں ہیں تو کیا ہم نے کھانا چھوڑ دیا ہے؟ ہم اپنی زندگی جاری رکھے ہوئے ہیں۔
علیمہ خان نے بھی گزشتہ روز واضح کیا کہ پارٹی کی جانب سے کسی کو بسنت نہ منانے کی ہدایت نہیں دی گئی تھی اور انہوں نے خود بھی گھر پر پتنگ بازی کی۔ انہوں نے بتایا کہ ان کا بیٹا 6 فروری کو اپنے بچوں کے ساتھ بسنت منا رہا تھا اور ان کا بڑا بیٹا بھی بسنت کا شوقین ہے۔
یہ بھی پڑھیں: کسی کو بسنت منانے سے روکا نہیں تھا، میں نے خود بھی پتنگ بازی کی، علیمہ خان
علیمہ خان نے کہا تھا کہ بسنت کسی پارٹی کے لیے مخصوص نہیں ہے اور لاہور میں ہر بچہ پتنگیں اڑا رہا تھا۔ یہ لاہوریوں کا جنون ہے اور لاہوریوں کو اس سے روکنا تقریباً ناممکن ہے۔
