بیرونِ ملک مقیم پاکستانیوں کی جانب سے جنوری کے دوران ملک میں 3 ارب 46 کروڑ ڈالر کی ترسیلات زر موصول ہوئیں۔
مزید پڑھیں: نئے ڈیزائن کے کرنسی نوٹ عید پر دستیاب ہوں گے یا نہیں؟ گورنراسٹیٹ بینک نے بتادیا
اسٹیٹ بینک کے تازہ اعداد و شمار کے مطابق ان رقوم میں سب سے نمایاں حصہ دبئی سے آیا، جو دنیا کے دیگر شہروں کے مقابلے میں سرفہرست رہا۔ جبکہ ملکی سطح پر سعودی عرب پہلے نمبر پر رہا۔
مرکزی بینک کے مطابق جنوری میں صرف دبئی سے 54 کروڑ ڈالر سے زیادہ رقم پاکستان بھیجی گئی۔
مجموعی طور پر متحدہ عرب امارات سے اسی عرصے میں 69 کروڑ 40 لاکھ ڈالر کی ترسیلات موصول ہوئیں، جن میں دبئی کا حصہ قریباً تین چوتھائی رہا۔
اعداد و شمار کے مطابق ابوظبی سے 12 کروڑ 61 لاکھ ڈالر جبکہ شارجہ سے 98 لاکھ ڈالر وطن منتقل کیے گئے۔
مزید پڑھیں: پاکستان کے بیرونی اور مقامی قرضے کہاں تک پہنچ گئے؟ اسٹیٹ بینک نے اعداد و شمار جاری کردیے
ملکی سطح پر جائزہ لیا جائے تو ترسیلات زر بھیجنے والے ممالک میں سعودی عرب پہلے نمبر پر رہا، جبکہ متحدہ عرب امارات دوسرے نمبر پر ہے۔
