43 سالہ عمانی کرکٹر محمد ندیم نے پاکستانی کرکٹر محمد رضوان کے آئی سی سی ٹی ٹوئنٹی ورلڈکپ کی تاریخ کے سست ترین ففٹی کے ریکارڈ کو برابر کر دیا ہے۔
یہ واقعہ جمعرات کو آئی سی سی مینز ٹی ٹوئنٹی ورلڈکپ کے میچ میں پیش آیا، جب سری لنکا اور عمان کی ٹیمیں آمنے سامنے تھیں۔ میچ میں سری لنکا نے عمان کو 105 رنز سے شکست دی۔ ہوم ٹیم نے مقررہ اوورز میں 5 وکٹ پر 225 رنز بنائے جبکہ عمان کی ٹیم نے 9 وکٹ پر 120 رنز بنائے۔
A battling half-century from Mohammad Nadeem for Oman against Sri Lanka👏
It is one of the @marriottbonvoy Milestones of the #T20WorldCup 2026.
📝: https://t.co/Vpv1Ytwuwo pic.twitter.com/9e6gLkOkfc
— ICC (@ICC) February 12, 2026
اگرچہ عمان کی ٹیم ہار گئی، لیکن ہدف کے تعاقب کے دوران محمد ندیم نے 52 گیندوں پر نصف سنچری اسکور کی اور 53 رنز بنا کر ناٹ آؤٹ رہے۔ اس دوران انہوں نے ٹی ٹوئنٹی ورلڈکپ کی تاریخ کی سست ترین ففٹی کا ریکارڈ برابر کر دیا۔
یہ بھی پڑھیں:جیل میں خودکشی کے خیالات آتے تھے، ناصر جمشید نے میچ فکسنگ پر معافی مانگ لی
اس سے قبل 2024 کے ٹی ٹوئنٹی ورلڈکپ میں پاکستان کے محمد رضوان نے بھی کینیڈا کے خلاف 52 گیندوں پر ففٹی اسکور کی تھی۔
واضح رہے کہ محمد ندیم ٹی ٹوئنٹی ورلڈکپ میں نصف سنچری اسکور کرنے والے سب سے عمر رسیدہ کرکٹر بھی بن گئے ہیں، جو ان کی اس ریکارڈ ساز اننگز کو خاص اہمیت دیتی ہیں۔
