پاکستان کرکٹ ٹیم کے مایہ ناز سابق کپتان وسیم اکرم کو پاکستان سپر لیگ (پی ایس ایل) کی فرنچائز سیالکوٹ اسٹالینز کا صدر مقرر کر دیا گیا۔
یہ بھی پڑھیں: پی ایس ایل کی نئی فرنچائز سیالکوٹ اسٹالینز کا آفیشل لوگو جاری
لاہور میں نجی ہوٹل میں الفا اوزی اسپورٹس کے زیر اہتمام ہونے والی تقریب میں وسیم اکرم کی بطور صدر نامزدگی کا باضابطہ اعلان کیا گیا۔
اسی موقعے پر سیالکوٹ اسٹیلینز کے آفیشل لوگو کی بھی پہلی مرتبہ رونمائی کی گئی جسے شرکا کی جانب سے بھرپور پذیرائی ملی۔
وسیم اکرم تقریب میں آن لائن شریک ہوئے اور ٹیم کے روشن مستقبل کے لیے نیک خواہشات کا اظہار کیا۔
مزید پڑھیے: سابق آسٹریلوی کپتان ٹم پین پی ایس ایل فرنچائز سیالکوٹ اسٹالینز کے ہیڈ کوچ مقرر
انہوں نے اس عزم کا اعادہ کیا کہ وہ سیالکوٹ اسٹالینز کو ایک مضبوط، منظم اور کامیاب فرنچائز بنانے کے لیے اپنا تجربہ اور صلاحیتیں بروئے کار لائیں گے۔
فرنچائز کا عزم
تقریب میں اسٹیلینز کے ہیڈ کوچ ٹیم پین، ٹیم کے شریک مالکان حمزہ مجید اور محمد شاہد بھی موجود تھے۔
𝑳𝒆𝒂𝒅𝒆𝒓𝒔𝒉𝒊𝒑 𝒎𝒆𝒆𝒕𝒔 𝒍𝒆𝒈𝒂𝒄𝒚 👑
Wasim Akram takes charge as President of Sialkot Stallionz.The Sultan of Swing now leads the Stallionz into a bold new chapter. #SialkotStallionz #WasimAkram pic.twitter.com/ChC2PmCcTa
— Sialkot Stallionz (@PSLStallionz) February 13, 2026
انہوں نے اس بات کا اعادہ کیا کہ سیالکوٹ اسٹالینز پی ایس ایل میں جدید رجحانات متعارف کرانے، کرکٹ کے فروغ اور کھیل کے معیار کو مزید بلند کرنے کے لیے مؤثر کردار ادا کرے گی۔
مزید پڑھیں: انتظار ختم، پی ایس ایل کی نئی فرنچائز سیالکوٹ کا مکمل نام سامنے آگیا
پی ایس ایل کے چیف ایگزیکٹو آفیسر سلمان نصیر بھی تقریب میں شرکت کی۔ اس دوران فرنچائز کے مستقبل کے منصوبوں پر بھی روشنی ڈالی۔
