پاکستان کرکٹ ٹیم کے کپتان سلمان علی آغا نے آئی سی سی ٹی20 ورلڈ کپ میں کل پاک بھارت ٹاکرا سے قبل پریس کانفرنس کرتے ہوئے کہا ہے کہ اگرچہ اسپنرز کا کردار اہم ہوسکتا ہے لیکن فاسٹ بولرز کو نظر انداز نہیں کیا جا سکتا۔
انہوں نے کہا کہ ‘یہ ممکن ہے کہ اسپنرز غالب آئیں، مگر ہمارے پاس اچھے فاسٹ بولرز بھی موجود ہیں۔ ٹیم کا ہر کھلاڑی ہمارے لیے برابر ہے۔ عثمان طارق اچھی بولنگ کر رہا ہے اور ہمارا ٹرمپ کارڈ ہے۔’
یہ بھی پڑھیے: ٹی20 ورلڈ کپ: محسن نقوی کا پاک بھارت میچ دیکھنے کے لیے سری لنکا جانے کا امکان
سلمان آغا نے کہا کہ پاک بھارت میچ ہمیشہ سے بڑے دباؤ کا حامل رہا ہے تاہم ٹیم نے بھرپور تیاری کی ہے۔ ‘ہم چاہتے ہیں کہ میچ اچھے جذبے کے ساتھ کھیلا جائے، جیسے ہمیشہ سے کھیلا جاتا رہا ہے۔ ٹاس میچ کا فیصلہ نہیں کرتا، اگر آپ اچھی کرکٹ کھیلیں گے تو جیت آپ کی ہوگی۔ کرکٹ اہم ہے، ٹاس نہیں۔’
Salman Ali Agha on Usman Tariq:
"He has been cleared by ICC earlier. I don't know why there is talk about his action. He does not care about what Indian Media & Indian Ex cricketers are saying about his bowling action."#T20WorldCup2026 #PAKvIND pic.twitter.com/7GJDPK0KDS
— Ramzy 🇵🇰🇬🇧 (@Ramz_004) February 14, 2026
انہوں نے کہا کہ ٹیم نے کنڈیشنز سے خود کو ہم آہنگ کر لیا ہے اور پچ کے بارے میں آگاہی حاصل کر لی گئی ہے۔ ‘ہمیں 40 اوورز تک معیاری کرکٹ کھیلنا ہوگی، اس سوال کے جواب میں کہ اگر انڈیا کل میچ سے قبل روایتی ہینڈ شیک کرتا ہے تو کیا پاکستان بھی کرے گا، ان کا کہنا تھا کہ اس حوالے سے کل دیکھا جائے گا۔
بولنگ ایکشن سے متعلق سوال پر انہوں نے کہا کہ عثمان طارق کو پہلے ہی آئی سی سی کی جانب سے کلیئر کیا جا چکا ہے اور انہیں سمجھ نہیں آتی کہ اس حوالے سے دوبارہ بات کیوں ہو رہی ہے۔ ‘وہ ان باتوں کی پروا نہیں کرتا۔’
یہ بھی پڑھیے: پاک بھارت میچ سے قبل بابر اعظم کا جونیئر کھلاڑیوں کو اہم مشورہ
ماضی کے ریکارڈ کے حوالے سے سلمان آغا کا کہنا تھا کہ ‘انڈیا کے خلاف ورلڈکپ میں ہمارا ریکارڈ اچھا نہیں تاہم اس بار اچھا کھیلنے کی کوشش کریں گے، ماضی اہم نہیں، کل نیا دن ہوگا۔ تاریخ نہیں بدلی جا سکتی مگر ہم اس بار اچھی کارکردگی دکھا کر جیتنے کی کوشش کریں گے۔’
Pakistan press conference from Premadasa, Colombo: if India go for handshake, will you do it? Salman Ali Agha: we will find that out tomorrow. #INDvPAK #T20WorldCup2026 #T20WorldCup #T20WC pic.twitter.com/90SreFMbL0
— Sumit Ghosh (@SumitG71) February 14, 2026
انہوں نے بابر اعظم کے حوالے سے کہا کہ وہ ہمارے لیے تشویش کا باعث نہیں، وہ رنز بنا رہے ہیں اور امید ہے کہ کل بھی ٹیم کی مدد کریں گے۔ بیٹنگ پوزیشن میں زیادہ تبدیلی کا ارادہ نہیں۔
آخر میں انہوں نے بھارتی کھلاڑی ابھشیک شرما کے لیے نیک خواہشات کا اظہار کرتے ہوئے کہا کہ ‘ہم موسم کے بارے میں کچھ نہیں کر سکتے، مگر امید ہے کہ ابھیشیک شرما مکمل فٹ ہوں گے۔ ہم بہترین ٹیم کے خلاف کھیلنا چاہتے ہیں۔’
واضح رہے کہ ٹی20 ورلڈ کپ میں روایتی حریفوں پاکستان اور بھارت کے درمیان کولمبو میں کل 15 فروری کو اہم میچ شیڈول ہے۔
