ٹی 20 ورلڈ کپ 2026 کے گروپ اے میچ سے ایک روز قبل پاکستان اور بھارت کے کپتانوں نے پریس کانفرنسز کے دوران مقابلے سے قبل ہاتھ ملانے کے امکانات پر بھی اپنے خیالات کا اظہار کیا۔
پاکستانی کپتان سلمان علی آغا
پاکستان کرکٹ ٹیم کے کپتان سلمان علی آغا نے کہا کہ میچ کا دباؤ ہمیشہ زیادہ محسوس ہوتا ہے لیکن کھیل کو اس کے اصل جذبے کے ساتھ کھیلا جانا چاہیے۔ انہوں نے کہا کہ موجودہ دور میں کرکٹ کے مقابلے اکثر سیاسی ماحول سے متاثر ہوتے ہیں جبکہ ان کا مقصد کھیل کو اس کی اصل روح میں رکھنا ہے۔
یہ بھی پڑھیں: ٹی20 ورلڈ کپ میں پاک بھارت دنگل، ماضی کا ریکارڈ کس کے حق میں؟
جب انہیں پوچھا گیا کہ اگر بھارتی کھلاڑی ہاتھ ملانے کے لیے آئیں تو وہ کیا کریں گے تو سلمان علی آغا نے محتاط جواب دیا۔ انہوں نے کہا کہ ’کل دیکھیں کیا ہوتا ہے‘۔
یعنی وہ کھیل کی روح کے مطابق ہینڈشیک کے لیے دروازہ کھلا رکھنا چاہتے ہیں لیکن ابھی فیصلہ نہیں کیا۔
سلمان علی آغا نے مزید کہا کہ ٹیم نے مقامی حالات کے مطابق تیاری کر لی ہے، پچ کی معلومات حاصل کی ہیں اور میچ کے لیے مکمل طور پر تیار ہیں۔
بھارتی کپتان سوریا کمار یادو
بھارتی کپتان سوریا کمار یادو نے اپنی پریس کانفرنس میں کہا کہ وہ میچ کی تیاری شیڈول کے مطابق کر رہے ہیں اور اچھی کرکٹ کھیلنے کے لیے آئے ہیں۔
مزید پڑھیے: پاک بھارت ہائی وولٹیج ٹاکرا، کیا شاہین شاہ کو باہر بٹھایا جائےگا؟
ہاتھ ملانے کے حوالے سے ان کا کہنا تھا کہ ’ہینڈ شیک کے لیے 24 گھنٹے انتظار کر لیں، کل دیکھیں کیا ہوتا ہے‘۔
سوریا کمار یادیو نے پاکستان کی کرکٹ ٹیم کی تعریف بھی کی اور کہا کہ پاکستان نے ایشیا کپ میں اچھی کارکردگی دکھائی اور یہاں بھی اچھا کھیل رہے ہیں۔
انہوں نے پاک بھارت میچ کے دباؤ کو تسلیم کرتے ہوئے کہا کہ اعصاب پر قابو پا کر اچھی کرکٹ کھیلنا سب سے اہم ہے۔
مزید پڑھیں: ٹی 20 ورلڈ کپ: پاک بھارت میچ کی تمام سیٹیں بُک، ٹکٹ بلیک میں 4 گنا قیمت پر فروخت
سوریا کمار یادو نے بتایا کہ پاک بھارت میچ کی تیاری شیڈول کے مطابق کی جا رہی ہے اور یہ صرف ایک کھیل ہے اس لیے کم کھیلنے کا سوال ہی پیدا نہیں ہوتا۔ انہوں نے کہا کہ ٹیم میچ میں بہترین کارکردگی دکھانے کی کوشش کرے گی۔
بھارتی کپتان نے پاکستان کے اسپنرز کی بھی تعریف کی اور کہا کہ انہوں نے پلان کے مطابق اچھا کھیل پیش کیا ہے۔
یہ بھی پڑھیے: ٹی20 ورلڈ کپ: محسن نقوی کا پاک بھارت میچ دیکھنے کے لیے سری لنکا جانے کا امکان
واضح رہے کہ ٹی 20 ورلڈ کپ 2026 میں پاکستان اور بھارت کی ٹیمیں کل کولمبو میں آمنے سامنے ہوں گی۔ گروپ اے میں دونوں ٹیمیں اب تک اپنے 2،2 میچز کھیل چکی ہیں اور دونوں میں ہی کامیابی حاصل کیل ہے۔
