پاکستان تحریک انصاف (پی ٹی آئی) کے بانی عمران خان سے اہلیہ بشریٰ بی بی کی ملاقات کرا دی گئی۔
مزید پڑھیں: بشریٰ بی بی سے فیملی ممبران کو ملاقات کرنے کی اجازت مل گئی
میڈیا رپورٹس کے مطابق عمران خان اور بشریٰ بی بی کی ملاقات اڈیالہ جیل کے کانفرنس روم میں کرائی گئی۔
عمران خان اور بشریٰ بی بی کی ملاقات 30 منٹ تک جاری ہی، جس میں بشریٰ بی بی نے بانی پی ٹی آئی سے ان کی صحت کے بارے میں دریافت کیا۔
دوسری جانب بانی پی ٹی آئی عمران خان کی اہلیہ بشریٰ بی بی سے فیملی ممبران کی ملاقات کرا دی گئی ہے۔
تاہم بانی پی ٹی آئی عمران خان سے پارٹی رہنماؤں یا بہنوں میں سے کسی کو ملاقات کی اجازت نہیں دی گئی۔
مزید پڑھیں: عمران خان کے لیے آواز اٹھانے پر پی ٹی آئی نامور عالمی کرکٹرز کی شکرگزار
یاد رہے کہ کچھ عرصے سے بانی پی ٹی آئی عمران خان سے ملاقاتوں کا سلسلہ بند ہے، چند روز قبل سپریم کورٹ کے حکم پر وکیل سلمان صفدر نے بانی پی ٹی آئی سے ملاقات کی تھی، جس کی رپورٹ سپریم کورٹ میں جمع کرائی گئی تھی۔
