آج رینجرز، پولیس اور سول کپڑوں میں ملبوس لوگ دروازے توڑ کر میرے گھر میں داخل ہوئے، شیخ رشید

عوامی مسلم لیگ کے سربراہ شیخ رشید احمد نے کہا ہے کہ رینجرز، پولیس اور سول کپڑوں میں لوگ دروازے توڑ کر ان کے گھر داخل ہوئے تاہم وہ گرفتاری سے بچ گئے۔

سوشل میڈیا ٹوئٹر پر اپنے پیغام میں عوامی مسلم لیگ کے سربراہ شیخ رشید نے کہا کہ ’آج صبح 3 بجے رینجرز، اسلام آباد پولیس اور بعض سول کپڑوں میں ملبوس 80 سے 90 لوگ میرے ایف سیون فور اسلام آباد میں واقع گھر کے دروازے توڑ کر داخل ہو گئے۔‘

شیخ رشید نے کہا کہ ’میں گھر میں موجود نہیں تھا، ملازمین کو مار مار کر ان کے بازو توڑ دیے گئے، حسب معمول میری دونوں گاڑیاں، لائسنس یافتہ اسلحہ اور سی سی ٹی وی فوٹیج بھی ساتھ لے گئے۔‘

سربراہ عوامی مسلم لیگ کے مطابق وہ آج رات ساڑھے گیارہ بجے ویڈیو پیغام میں بات کریں گے۔ شیخ رشید نے اپنے گھر کی ویڈیو بھی شیئر کی ہے جس میں چیزیں بکھری ہوئی دیکھی جا سکتی ہیں۔

آج صبح3بجےرینجرزاسلام آبادپولیس اوربعض سول کپڑوں میں ملبوس 80-90لوگ میرےگھرF-7-4اسلام آباد میں دروازےتوڑکرداخل ہوگئے میں گھرمیں موجودنہیں تھاملازمین کومارمارکرانکےبازوتوڑدیےحسب معمول میری دونوں گاڑیاں لائسنسی اسلحہ اورCCTV فوٹیج بھی ساتھ لےگئے11.30بجے ویڈیو پیغام میں بات کروں گا pic.twitter.com/srTzew2Hds

— Sheikh Rashid Ahmed (@ShkhRasheed) May 31, 2023