وفاقی دارالحکومت اسلام آباد میں موٹر سائیکل ایم ٹیگ مہم کے دوسرے مرحلے کے تحت ڈی جی ایکسائز نے موٹر سائیکل مالکان کے لیے واضح ڈیڈ لائن کا اعلان کردیا۔
مزید پڑھیں: ایم ٹیگ سروس یا آزمائش، موٹرسائیکل سوار پریشان
موٹر سائیکلز پر ایم ٹیگ لگوانے کی آخری تاریخ 28 فروری مقرر کی گئی ہے۔ یکم مارچ سے بغیر ایم ٹیگ موٹر سائیکل چلانے پر کارروائی ہوگی، اور ایسے موٹر سائیکلوں کو تھانوں میں منتقل کیا جائے گا۔
ڈی جی ایکسائز کے مطابق یکم مارچ سے اسلام آباد میں بغیر ایم ٹیگ موٹر سائیکل چلانے کی اجازت نہیں ہوگی۔
دوسرے مرحلے کے دوران اب تک 2 ہزار سے زیادہ موٹر سائیکلوں کو ایم ٹیگ جاری کیے جا چکے ہیں۔
ڈی جی ایکسائز عرفان میمن کے مطابق شہریوں کی سہولت کے لیے ایم ٹیگ سینٹرز میں اضافی عملہ تعینات کیا گیا ہے اور چھٹی کے روز بھی سینٹرز کھلے رہیں گے۔
مزید پڑھیں: موٹر بائیکس پر ایم ٹیگ لگانے کا عمل شروع، فیس کتنی ہے اور کہاں سے لگوا سکتے ہیں؟
ڈی جی ایکسائز نے شہریوں سے اپیل کی ہے کہ وہ شہر کو محفوظ بنانے کے لیے حکومتی اقدامات میں تعاون کریں اور مقررہ ڈیڈ لائن سے پہلے اپنے موٹر سائیکلز پر ایم ٹیگ لازمی لگوائیں۔
