ملک بھر میں رمضان المبارک کا بابرکت مہینہ جاری ہے اور عوام عیدالفطر کے تہوار کی تیاریوں میں مصروف ہیں۔ عید کی حتمی تاریخ شوال کے چاند کی رویت کے بعد طے کی جائے گی، جس کے بعد حکومت سرکاری تعطیلات کا اعلان کرے گی۔
مزید پڑھیں: عیدالفطر 2026: چاند کس تاریخ کو نظر آنے کا امکان ہے؟
مرکزی رویت ہلال کمیٹی کا اجلاس 19 مارچ 2026 کی شام (29 رمضان) کو ہوگا، جہاں چاند کی رویت کے حوالے سے حتمی فیصلہ کیا جائے گا۔
اگر رمضان 29 دنوں پر مشتمل رہا تو یکم شوال 20 مارچ 2026 کو ہوگی اور عیدالفطر کی تعطیلات 20 سے 22 مارچ تک ہونے کا امکان ہے۔
تاہم اگر رمضان مکمل 30 دن کا ہوا تو عید 21 مارچ سے شروع ہو کر 23 مارچ تک منائی جا سکتی ہے۔
وفاقی حکومت کے 2026 کے سرکاری تعطیلاتی کیلنڈر میں عیدالفطر کے لیے 21، 22 اور 23 مارچ (ہفتہ تا پیر) کی تاریخیں شامل کی گئی ہیں، تاہم حتمی اعلان چاند دیکھنے کے بعد کیا جائے گا۔
ماہرین کے مطابق اگر چاند 19 مارچ کو نظر آ گیا تو ممکنہ تعطیلات 20 سے 22 مارچ (جمعہ تا اتوار) تک رہ سکتی ہیں۔
مزید پڑھیں: عیدالفطر: تیوہار ایک مگر جشن منانے کا انداز جُدا جُدا
یہاں یہ بھی واضح رہے کہ پیر 23 مارچ کو یوم پاکستان کے موقع پر بھی عام تعطیل ہوگی، جو عید کی چھٹیوں کے ساتھ ہی منائے جانے کا امکان ہے۔
