موجودہ حساس قومی صورتحال کے پیش نظر پاکستان ٹیلی کمیونیکیشن اتھارٹی (پی ٹی اے) نے تمام شہریوں سے اپیل کی ہے کہ وہ سوشل میڈیا اور دیگر ڈیجیٹل پلیٹ فارمز کے استعمال میں احتیاط اور ذمہ داری کا مظاہرہ کریں۔
پبلک ایڈوائزری: موجودہ حساس قومی صورتحال کے پیش نظر پاکستان ٹیلی کمیونیکیشن اتھارٹی (پی ٹی اے) تمام شہریوں سے اپیل کرتی ہے کہ وہ سوشل میڈیا اور ڈیجیٹل پلیٹ فارمز کے استعمال میں ذمہ داری کا مظاہرہ کریں۔
تمام شہریوں کو ہدایت کی جاتی ہے کہ وہ کسی بھی غیر مصدقہ، اشتعال انگیز یا… pic.twitter.com/SgxcKXMJ0H
— PTA (@PTAofficialpk) February 28, 2026
پی ٹی اے نے ہدایت کی ہے کہ کسی بھی غیر مصدقہ، اشتعال انگیز یا گمراہ کن معلومات، مواد کو شیئر، پھیلانے، فارورڈ کرنے یا اپ لوڈ کرنے سے گریز کیا جائے، کیونکہ اس سے براہِ راست یا بالواسطہ طور پر قومی مفاد، عوامی نظم و نسق یا ریاستی اداروں کو نقصان پہنچ سکتا ہے۔
تمام شہریوں کو تاکید کی گئی ہے کہ وہ صرف مستند اور سرکاری ذرائع پر مبنی معلومات، مواد شیئر یا اپ لوڈ کریں اور افواہوں یا جعلی خبروں کے فروغ سے مکمل اجتناب کریں۔
پی ٹی اے نے واضح کیا کہ جعلی خبریں، افواہیں یا غلط معلومات پھیلانے یا شئیر کرنے پر متعلقہ قوانین کے تحت قانونی کارروائی عمل میں لائی جا سکتی ہے۔
پی ٹی اے نے عوام سے گزارش کی ہے کہ وہ احتیاط، سنجیدگی اور قومی ذمہ داری کا مظاہرہ کریں تاکہ عوامی اعتماد برقرار رکھنے میں مدد مل سکے۔
