صدر مملکت آصف علی زرداری نے ایرانی سپریم لیڈر آیت اللہ سید علی خامنہ ای اور ایرانی سینیئر قیادت کے شہادت پر گہرے رنج و غم کا اظہار کیا ہے۔
صدر آصف زرداری نے ایران کی حکومت اور عوام کے ساتھ ہمدردی اور یکجہتی کا بھی اظہار کیا اور کہاکہ پاکستان اس غم کے موقع پر ایرانی قوم کے ساتھ ہے۔
ایوانِ صدر
(میڈیا وِنگ)
1 مارچ 2026صدر آصف علی زرداری کا آیت الّلہ سید علی خامنہ ای اور ایرانی سینئر قیادت کے شہادت پر گہرے رنج و غم کا اظہار۔
صدر زرداری کی جانب سے ایران کی حکومت اور عوام کے ساتھ ہمدردی اور یکجہتی کا اظہار کیا۔
پاکستان اس غم کے موقع پر ایرانی قوم کے ساتھ…
— Murtaza Solangi (@murtazasolangi) March 1, 2026
انہوں نے شہدا کے درجات کی بلندی اور ایرانی عوام کے لیے صبر و تحمل کی دعا بھی کی۔
قبل ازیں وزیراعظم پاکستان شہباز شریف نے ایرانی سپریم لیڈر آیت اللہ خامنہ ای کی شہادت پر ایران کے عوام کے ساتھ ہمدردی کا اظہار کیا۔
اپنے ایک بیان میں انہوں نے کہاکہ پاکستان کی حکومت اور عوام ایران کے غم اور دکھ کے اس موقع پر ان کے شانہ بشانہ کھڑے ہیں اور آیت اللہ سید علی خامنہ ای کی شہادت پر دلی تعزیت پیش کرتے ہیں۔
انہوں نے بین الاقوامی قوانین کی خلاف ورزی پر بھی تشویش ظاہر کی اور کہا کہ یہ ایک قدیم اصول ہے کہ سربراہان مملکت کو ہدف نہیں بنایا جانا چاہیے۔
وزیراعظم نے مرحوم کی مغفرت کے لیے دعا کی اور ایرانی عوام کے لیے صبر اور حوصلے کی دعا کی تاکہ وہ اس ناقابل تلافی نقصان کو برداشت کر سکیں۔
واضح رہے کہ امریکا اور اسرائیل کے حملے میں ایرانی سپریم لیڈر آیت اللہ خامنہ ای شہید ہوگئے ہیں، جبکہ ایران نے اس کا بدلہ لینے کا اعلان کیا ہے۔
