مشرق وسطیٰ کی موجودہ کشیدہ صورتحال کے پیش نظر ملک کے اہم بین الاقوامی ایئرپورٹس سے آج 106 پروازیں منسوخ کر دی گئیں۔
ایئرپورٹ ذرائع کے مطابق، کراچی ایئرپورٹ سے دبئی، ابوظبی، قطر، شارجہ، کویت اور بحرین جانے والی 32 پروازیں منسوخ کی گئیں۔
یہ بھی پڑھیے: ایران اسرائیل کشیدگی کے بعد مشرقِ وسطیٰ کی فضائی حدود بند، ڈھاکہ ایئرپورٹ پر پروازیں متاثر
پشاور ایئرپورٹ پر اندرون ملک اور بیرون ملک تمام 22 پروازیں منسوخ کی گئی ہیں، جبکہ لاہور ایئرپورٹ سے دبئی، ابوظہبی، شارجہ اور بحرین جانے والی 22 پروازیں منسوخ کی گئیں۔
ذرائع کے مطابق فیصل آباد سے 4، کوئٹہ سے 2 اور ملتان سے 4 پروازیں بھی منسوخ کی گئی ہیں۔ 3 دن کے دوران ملک بھر کے ایئرپورٹس سے مشرق وسطیٰ جانے والی 300 سے زائد پروازیں منسوخ ہو چکی ہیں۔
