پاکستان کا افغان طالبان رجیم کے خلاف شروع کیا گیا آپریشن غضب للحق جاری ہے، اور اب تک مختلف کارروائیوں میں 435 افغان طالبان ہلاک ہو چکے ہیں، جبکہ630سے زیادہ زخمی ہیں۔
یہ بھی پڑھیں: پاک افغان جنگ بندی میں توسیع، طالبان کا خلوص ایک ہفتے میں واضح ہوجائے گا، ماہرین
وفاقی وزیراطلاعات عطاتارڑ نے سوشل میڈیا اکاؤنٹ ایکس پر بتایا کہ آپریشن غضب للحق کے دوران افغان طالبان کو بھاری جانی و عسکری نقصان اٹھانا پڑا ہے۔ جاری کردہ تفصیلات کے مطابق کارروائیوں میں 435 جنگجو ہلاک جبکہ 630 سے زائد زخمی ہوئے۔
✅Operation Ghazb lil Haq
✅Update 1500 hours 2 March✅ Summary of Afghan Taliban losses
▪️435 Killed,
▪️630 + Injured
▪️188 Check posts destroyed
▪️31 Posts captured,
▪️188 tanks, armoured vehicles, artillery guns destroyed
▪️51 locations across Afghanistan effectively…— Attaullah Tarar (@TararAttaullah) March 2, 2026
عطاتارڑ کے مطابق آپریشن کے دوران 188 چیک پوسٹیں تباہ کی گئیں جبکہ 31 پوسٹس پر قبضہ کر لیا گیا۔ انہوں نے بتایا کہ کارروائیوں میں 188 ٹینک، بکتر بند گاڑیاں اور آرٹلری گنز بھی تباہ کی گئیں۔
وزیراطلاعات کا کہنا ہے کہ افغانستان کے مختلف علاقوں میں 51 مقامات پر کی جانے والی فضائی کارروائیاں مؤثر ثابت ہوئیں اور آپریشن کے اہداف کامیابی سے حاصل کیے گئے۔
یہ بھی پڑھیں: بھارت افغانستان کے پیچھے چھپ کر پاکستان پر حملہ آور، ہمیں ماضی کی غلطیوں کا اعتراف کرنا ہوگا، خواجہ آصف
واضح رہے کہ افغان طالبان نے پاکستان کے سرحدی علاقوں میں عسکری کارروائیاں کی تھیں، جس کے جواب میں پاک فوج نے آپریشن غضب للحق کا اعلان کیا۔
پاکستان نے افغانستان پر واضح کیا ہے کہ اسے کالعدم ٹی ٹی پی یا پاکستان میں سے کسی ایک کا انتخاب کرنا ہوگا۔
