اسلام آباد میں قائم امریکی سفارتخانے سمیت لاہوراورکراچی میں امریکی قونصلیٹ جنرل نے 6 مارچ تک تمام ویزا اپائنٹمنٹس منسوخ کرنے کا اعلان کر دیا ہے۔
امریکی سفارتی حکام کے مطابق یہ فیصلہ موجودہ سیکیورٹی حالات کے تناظر میں احتیاطی اقدام کے طور پر کیا گیا ہے۔
یہ بھی پڑھیں: ایرانی حملے کے بعد ریاض میں قائم امریکی سفارت خانہ بند، امریکی شہریوں کو گھروں میں رہنے کی ہدایت
اس دوران طے شدہ تمام ویزا انٹرویوز اور دیگر متعلقہ اپائنٹمنٹس منسوخ رہیں گی۔
https://Twitter.com/usembislamabad/status/2028642856077074854?s=20
سفارتخانے کی جانب سے ویزا درخواست گزاروں کو ہدایت کی گئی ہے کہ وہ مزید معلومات اور نئی تاریخوں کے لیے سرکاری ویب سائٹ اور ای میل کے ذریعے جاری کردہ ہدایات پر نظر رکھیں۔
مزید پڑھیں: مشرقِ وسطیٰ میں فضائی بحران، پاکستان سے 155 پروازیں آج بھی منسوخ
حکام کا کہنا ہے کہ سیکیورٹی صورتحال کا مسلسل جائزہ لیا جا رہا ہے اور حالات معمول پر آنے کے بعد ویزا سروسز کی بحالی سے متعلق آگاہ کیا جائے گا۔
واضح رہے کہ حالیہ دنوں میں سیکیورٹی خدشات کے باعث پاکستان میں تعینات مختلف سفارتی مشنز نے اپنے معمولات کارمیں عارضی تبدیلیاں کی ہیں۔
