سیکیورٹی ذرائع نے تصدیق کی ہے کہ پاکستان کی جانب سے افغانستان کے بگرام ایئر بیس پر فضائی حملے کیے گئے ہیں۔
یہ بھی پڑھیں: آپریشن ’غضب للحق‘: افغان طالبان کو بھاری نقصان، پاکستان کی فضائی کارروائیاں جاری
ذرائع کے مطابق مستند انٹیلی جنس اطلاعات کی بنیاد پر پاک فضائیہ نے متعدد فضائی کارروائیاں کیں جن کا مقصد آئی اے جی (IAG) کے دستوں اور فتنہ الخوارج (ٹی ٹی پی) کو فراہم کیے جانے والے اہم ساز و سامان اور رسد کی ترسیل کو متاثر کرنا تھا۔ یہ عناصر پاکستان۔افغانستان سرحد پر پاک فوج کے خلاف سرگرمِ عمل ہیں۔
مزید پڑھیے: پاکستان کے دفاعی نظام ناقابل تسخیرہیں، وزیر دفاع خواجہ آصف
سیکیورٹی ذرائع کا کہنا ہے کہ پاکستان اپنی سرحد کے ساتھ آئی اے جی کی جارحیت کا جواب دینے کا حق محفوظ رکھتا ہے اور وہ اپنی صوابدید کے مطابق وقت اور مقام کا تعین کرتے ہوئے جائز اہداف کو نشانہ بنا سکتا ہے۔
