وزیر دفاع خواجہ محمد آصف نے کہا ہے کہ اسرائیلی وزیراعظم نیتن یاہو نے ایران پر حملہ کرکے عالمی توجہ کو غزہ سے ہٹانے کی کوشش کی ہے۔
سماجی رابطے کی ویب سائٹ ایکس پر جاری اپنے بیان میں خواجہ آصف نے کہا کہ اس وقت بین الاقوامی میڈیا کی توجہ مکمل طور پر ایران پر مرکوز ہے۔
By attacking on Iran Netanyahu has attempted to divert international attention away from Gaza. International media is focused on Iran now which gives Netanyahu space to quietly go ahead with his genocidal agenda in Gaza and West Bank.
Netanyahu’s demonic personal ambitions have…— Khawaja M. Asif (@KhawajaMAsif) March 3, 2026
انہوں نے مزید کہاکہ نیتن یاہو کے اس اقدام سے غزہ اور مغربی کنارے میں اسرائیلی نسل کشی کے ایجنڈے کو آگے بڑھانے کا موقع مل گیا ہے۔
وزیر دفاع نے کہاکہ نیتن یاہو کے ذاتی شیطانی عزائم نے فلسطین اور مشرق وسطیٰ کو انسانی تاریخ کے بدترین المیوں میں دھکیل دیا ہے۔
واضح رہے کہ امریکا اور اسرائیل کے ایران پر حملے جاری ہے، جبکہ تہران کی جانب سے بھی میزائل حملوں سے جواب دیا جارہا ہے۔
