آئی سی سی ٹی20 ورلڈ کپ کے پہلے سیمی فائنل میں نیوزی لینڈ نے جنوبی افریقہ کو 9 وکٹوں سے شکست دے کر فائنل میں جگہ بنالی ہے، نیوزی لینڈ نے جنوبی افریقہ کے خلاف ٹاس جیت کر پہلے فیلڈنگ کا فیصلہ کیا۔
جنوبی افریقہ نے پہلے بیٹنگ کرتے ہوئے مقرر 20 اوورز میں نیوزی لینڈ کو جیت کے لیے 170 رنز کا ہدف دیا ہے۔
View this post on Instagram
میچ میں جنوبی افریقہ کی بیٹنگ کا آغاز اچھا نہ رہا اور ابتدائی اوورز میں اہم وکٹیں جلد گر گئیں، جس کے باعث ٹیم دباؤ کا شکار رہی۔ کپتان ایڈن مارکرم 18 رنز بنا کر آؤٹ ہوئے جبکہ کوئنٹن ڈی کاک 10 رنز ہی بنا سکے۔ ریان رکلٹن بغیر کوئی رن بنائے پویلین لوٹ گئے۔
درمیانی اوورز میں ڈیوالڈ بریوس نے 34 رنز کی ذمہ دارانہ اننگز کھیل کر ٹیم کو سہارا دیا جبکہ ٹرسٹن اسٹبس نے 29 رنز اسکور کیے۔ بعد ازاں مارکو جانسن نے جارحانہ بیٹنگ کا مظاہرہ کرتے ہوئے 30 گیندوں پر ناقابل شکست 55 رنز بنا کر ٹیم کا مجموعہ مضبوط کیا، جس میں 5 چھکے شامل تھے۔
نیوزی لینڈ کی جانب سے میٹ ہنری، کول مکونچی اور راچن رویندرا نے 2، 2 وکٹیں حاصل کیں جبکہ لاکی فرگوسن اور جیمز نیشم نے ایک، ایک کھلاڑی کو آؤٹ کیا۔
اس میچ میں 2 دلچسپ ریکارڈز متوقع ہیں، یا تو جنوبی افریقہ نیوزی لینڈ کے خلاف 0-5 کا ناقابل شکست ریکارڈ حاصل کرے گا یا نیوزی لینڈ کی ناک آؤٹ میچز میں 100 فیصد کامیابی ہوگی۔
View this post on Instagram
نیوزی لینڈ نے جنوبی افریقا کی جانب سے دیا جانے والا 170 رنز کا ہدف 12.5 اوورز میں ایک وکٹ کے نقصان پر حاصل کرلیا
فن ایلن نے 33 گیندوں پر ناقابل شکست سنچری اسکور کی جس میں 8 چھکے اور 10 چوکے شامل تھے،ٹم سائفرٹ 33 گیندوں پر 58 رنز بنا کر آؤٹ ہوئے، راچن رویندرا 13 رنز بنا کر ناٹ آؤٹ رہے۔
جنوبی افریقا کی جانب سے واحد وکٹ کاگیسو ربادا نے حاصل کی، مارکو ینسن نے 2.5 اوورز میں 53 رنز دیے اور سب سے مہنگے بولر ثابت ہوئے۔
