معروف پاکستانی یوٹیوبر رجب بٹ اس وقت خاندانی تنازعات اور اپنی شادی کے معاملات کے حوالے سے خبروں کی زینت ہیں۔ گزشتہ دنوں رجب بٹ نے اپنے سالے عون شیخ پر الزامات عائد کیے تھے جس کے بعد عون شیخ نے بھی ردعمل دیا تھا۔
حال ہی میں عون شیخ نے ایک ویڈیو شیئر کی جس میں انہوں نے کہا کہ رجب بٹ کی والدہ اور ماموں ان کے گھر آئے۔ ان کے ماموں نے کہا کہ رجب کا رویہ ایسا ہی رہے گا۔ تم نے نمبر ون یوٹیوبر سے شادی کی ہے تو تمہیں یہ برداشت کرنا پڑے گا اور اب فیصلہ ایمان کو خود کرنا ہوگا کہ آیا وہ یہ گھر بسانا چاہتی ہیں یا نہیں۔ عون شیخ نے مزید کہا کہ میرے پاس ساری ریکارڈنگ موجود ہے۔
View this post on Instagram
عون شیخ نے انسٹاگرام پر بیان جاری کرتے ہوئے الزام لگایا کہ رجب بٹ نے پریگننسی میں ایمان کو دھوکا دیا اور سوشل میڈیا پر غیر مناسب رویہ اختیار کیا اور جھوٹے الزامات لگائے۔ یہ بھی کہتے رہے کہ ایمان ایک کال کرے تو ڈرائیور آجاتا ہے جو سراسر جھوٹ ہے۔
ایمان کے بھائی نے کہا کہ انہوں نے بہت برداشت کیا مگر اب وہ سچ سامنے لانے کے لیے تیار ہیں۔ انہوں نے واضح کیا کہ اگر ان پر کوئی بات کی گئی تو وہ آخری وارننگ کے بعد حقائق عوام کے سامنے لائیں گے۔
یہ بھی پڑھیں: کیا یوٹیوبر رجب بٹ اور ایمان کے درمیان طلاق ہو چکی ہے؟ ساس نے حقیقت بتادی
انہوں نے یہ بھی کہا کہ مجھے اجازت نہیں ہے کہ میں فیملی ڈسکشن کروں لیکن ان کے دوست آ کر یہ باتیں کر رہے ہیں۔ اور الزام لگا رہے ہیں کہ آپ ایمان اور کیوان کو کیش کرانا چاہ رہے ہیں۔
عون نے کہا کہ اگر ایسا کرنا ہوتا تو میں تب کرتا جب آپ اسے میرے پاس چھوڑ کر چلے گئے تھے۔ میں ابھی ان کو وی لاگ میں لاسکتا ہوں لیکن میری یہ عادت نہیں ہے۔ ساتھ ہی انہوں نے کہا کہ میں چاہتا ہوں ایمان اور رجب ساتھ رہیں کون ساتھ نہیں رہنے دے رہا؟
