مرکزی صدر پی ٹی آئی چودھری پرویزالہٰی سے لاہور ہائیکورٹ بار ایسوسی ایشن کے نومنتخب ارکان نے ملاقات کی۔ نومنتخب ارکان نے الیکشن میں بھرپور ساتھ دینے پر چودھری پرویزالہیٰ کا شکریہ ادا کیا۔
مزید پڑھیں: سابق وزیراعلیٰ پنجاب پرویزالہٰی کے ترجمان اقبال چودھری کو حراست میں لے لیا گیا
چودھری پرویزالہیٰ نے کامیابی پر تمام ارکان کو مبارکباد دی اور نیک خواہشات کا اظہار کیا۔ ملاقات میں نو منتخب صدر بابر مرتضیٰ، سیکریٹری قاسم اعجاز سمرا، نائب صدر سہیل قیصر تارڑ اور فنانس سیکریٹری علی رضا کھوکھر شریک تھے۔
مرکزی صدر پی ٹی آئی چودھری پرویزالٰہی سے لاہور ہائیکورٹ بار ایسوسی ایشن کے نومنتخب ارکان کی ملاقات۔ ارکان نے الیکشن میں ساتھ دینے پر پرویزالٰہی کا شکریہ ادا کیا۔ پرویزالٰہی نے ارکان کو مبارکباد دی اور نیک خواہشات کا اظہار کیا۔@Aadiiroy2 @AmirSaeedAbbasi @KulAalam pic.twitter.com/hrvlYy4Zua
— Media Talk (@mediatalk922) March 6, 2026
اس کے علاوہ ممبر پاکستان بار کونسل عامر سعید راں، سابق صدر لاہور ہائیکورٹ بار رانا انتظار حسین اور سابق پرنسپل سیکریٹری محمد خان بھٹی بھی ملاقات میں موجود تھے۔ دیگر وکلا میں صفدر حسین بوسال، میاں عرفان، وقار احمد گل، غلام مرتضیٰ ڈھلوں، سلیم محسن بھٹہ اور میاں مظہر حسین شامل تھے۔
مزید پڑھیں: عمران خان بہت جلد ایک بارپھروزیراعظم بنیں گے،چودھری پرویزالہٰی
چودھری پرویزالہیٰ نے کہا کہ تمام وکلا رہنما پاکستان کی سلامتی کے لیے اکٹھے چلیں اور دل و جان سے کام کریں۔
