آپ کے گھر کا پتا اور ذاتی معلومات آن لائن فروخت ہو رہی ہیں، تدارک کیا ہے؟

ایک مفت دستیاب ٹول موجود ہے جو آپ کی ذاتی معلومات کو گوگل سرچ کے نتائج سے ہٹانے میں مدد دیتا ہے لیکن زیادہ تر لوگ اس سے واقف نہیں ہیں۔

یہ بھی پڑھیں: اگلے 10 برسوں میں اے آئی ایک سپر پاور بن جائے گی، فوری نمٹنا ہوگا، سربراہ گوگل ڈیپ مائنڈ

کیا آپ جانتے ہیں کہ بے شمار کمپنیاں آپ کا نام، گھر کا پتا، فون نمبر اور دیگر ذاتی معلومات آن لائن بیچ رہی ہیں؟ ان ڈیٹا بروکرز کی وجہ سے یہ معلومات ٹیلی مارکیٹرز، سابق تعلقات یا شناختی چوروں تک بہت سستی قیمت پر پہنچ جاتی ہیں جو آپ کی سلامتی کے لیے خطرہ ہیں۔

لیکن گوگل کا ’رزلٹ اباؤٹ یو‘ ٹول اس معلومات کو تلاش کرنا مشکل بنا دیتا ہے۔ گوگل مسلسل انٹرنیٹ سے ڈیٹا اسکریپ کرتا ہے جس میں حساس معلومات بھی شامل ہوتی ہیں۔ یہ ٹول صرف ایک بٹن کے ذریعے آپ کی معلومات کو گوگل سرچ سے ہٹانے کی سہولت دیتا ہے اور حال ہی میں اس سروس کو مزید مؤثر بنایا گیا ہے۔

ایک بار سیٹ اپ کرنے کے بعد آپ کا نام، ای میل، فون نمبر یا پتا ملنے کی صورت میں گوگل آپ کو ای میل کے ذریعے اطلاع دے گا۔ آپ آسانی سے ویب سائٹس کا جائزہ لے سکتے ہیں۔

مزید پڑھیے: گوگل نے پاکستانی صارفین کو مصنوعی ذہانت کے دور میں محفوظ رہنے کے لیے تجاویز اور ٹولز فراہم کر دیے

خودکار سروس کے لیے گوگل اکاؤنٹ درکار ہے لیکن اگر آپ اکاؤنٹ کے بغیر معلومات ہٹانا چاہتے ہیں تو عمل بھی موجود ہے۔

حدود اور احتیاط

یہ ٹول معلومات کو دیگر ویب سائٹس سے ختم نہیں کرتا صرف گوگل سرچ سے روابط ہٹا دیتا ہے لیکن یہ بھی بہت بڑا فرق پیدا کرتا ہے۔

مکمل پرائیویسی کے لیے مزید اقدامات کی ضرورت ہوگی۔

مزید پڑھیں: پاکستان میں ٹی وی چینلز ہیک کیوں ہوئے اور انٹرنیٹ ہیکنگ ہوتی کیسے ہے؟

آپ کو حساس معلومات گوگل کے سسٹم میں داخل کرنا پڑتی ہیں لیکن گوگل پہلے سے یہ ڈیٹا رکھتا ہے اور اس کے لیے مخصوص پرائیویسی ضمانتیں دیتا ہے۔

گوگل کے مطابق ’رزلٹ اباؤٹ یو‘ میں جمع کی گئی معلومات کسی اور مقصد کے لیے استعمال نہیں کی جاتی اور سخت سیکیورٹی و انکرپشن پروٹوکولز کے ساتھ محفوظ رکھی جاتی ہیں۔

استعمال کیسے کریں

’رزلٹ اباؤٹ یو‘ ایپ پر جائیں اور فارم پر کریں۔ سرچ نتائج میں کسی بھی مواد کو خود بھی ہٹایا جا سکتا ہے: لنک کے ساتھ موجود 3 نقطوں والے مینو سے  ’ریموو رلزٹ‘ منتخب کریں۔

کچھ حالات میں خاندان کے افراد کی معلومات بھی ہٹائی جا سکتی ہیں لیکن سرکاری اور خبری ویب سائٹس اس سے مستثنیٰ ہیں۔

اگر آپ چاہتے ہیں کہ معلومات انٹرنیٹ سے مکمل طور پر مٹ جائیں تو ڈیٹا بروکرز سے براہ راست رابطہ کریں یا کچھ ادا شدہ سروسز استعمال کریں۔ کیلیفورنیا میں ’ڈیلیٹ ریکویسٹ اینڈ آپٹ پلیٹ فارم‘ مفت سروس بھی موجود ہے جو ایک ساتھ ہزاروں ڈیٹا بروکرز سے آپ کی معلومات حذف کرنے کی درخواست کرتی ہے۔

یہ بھی پڑھیے: واٹس ایپ ہیکنگ سے وائس کلوننگ تک، آن لائن فراڈ کے نت نئے طریقے

گوگل کے مطابق سنہ 2022 کے بعد سے 10 ملین سے زائد لوگ ’رزلٹ اباؤٹ یو‘ استعمال کر چکے ہیں جو کہ 1.8 بلین گوگل اکاؤنٹس کے مقابلے میں چھوٹا حصہ ہے۔ یہ آسان، مؤثر اور مفت ٹول آپ کی پرائیویسی کے لیے بہترین قدم ہے۔