سندھ حکومت نے یومِ پاکستان کے موقع پر 23 مارچ کو صوبے بھر میں عام تعطیل کا اعلان کر دیا ہے، جس کے تحت سرکاری ادارے بند رہیں گے۔
یہ بھی پڑھیں:عیدالفطر پر کتنی تعطیلات ہوں گی، وفاقی حکومت نے فیصلہ کرلیا
میڈیا رپورٹس کے مطابق سندھ حکومت نے اس حوالے سے باقاعدہ نوٹیفکیشن جاری کر دیا ہے۔ نوٹیفکیشن کے مطابق 23 مارچ کو صوبے بھر کے سرکاری دفاتر، تعلیمی ادارے اور دیگر سرکاری محکمے بند رہیں گے۔
یومِ پاکستان ہر سال 23 مارچ کو منایا جاتا ہے، جس دن 1940 میں قراردادِ لاہور منظور کی گئی تھی۔ اس موقع پر ملک بھر میں مختلف تقریبات اور سرکاری تقاریب کا انعقاد بھی کیا جاتا ہے۔
یاد رہے کہ وفاقی حکومت نے عیدالفطر کے موقع پر بھی 4 روزہ تعطیلات کا فیصلہ کیا ہے۔ میڈیا رپورٹس کے مطابق 20 سے 23 مارچ (جمعہ تا پیر) تک سرکاری چھٹیاں ہوں گی، جبکہ عیدالفطر کی متوقع تاریخ 21 مارچ بتائی جا رہی ہے، تاہم حتمی اعلان مرکزی رویت ہلال کمیٹی کرے گی۔
