کوئٹہ گلیڈی ایٹرز نے پاکستان سپر لیگ سیزن 11 کے لیے اپنی ٹیم مینجمنٹ کا باضابطہ اعلان کردیا ہے، جس میں قیادت اور کوچنگ اسٹاف کو برقرار رکھنے کا فیصلہ کیا گیا ہے۔
فرنچائز نے سعود شکیل پر اعتماد برقرار رکھتے ہوئے انہیں ایک بار پھر ٹیم کی قیادت سونپ دی ہے، جبکہ سابق کپتان سرفراز احمد بدستور ٹیم ڈائریکٹر کے طور پر خدمات انجام دیں گے۔ اسی طرح معین خان کو بھی ہیڈ کوچ کے عہدے پر برقرار رکھا گیا ہے۔
مزید تقرریوں میں اقبال امام کو اسسٹنٹ کوچ اور وہاب ریاض کو بولنگ کوچ مقرر کیا گیا ہے۔
دوسری جانب اعظم خان بھی ٹیم مبنیجر کے طور پر اپنی ذمہ داریاں جاری رکھیں گے اور انتظامی امور کی نگرانی کریں گے۔
واضح رہے کہ پی ایس ایل 11 کا آغاز 26 مارچ سے ہوگا، اور وینیوز کا اعلان بھی کردیا گیا ہے۔
