روس کے کان کنی کے شہر ورکوتا کا ایک درمیانی عمر کے شخص نے حال ہی میں اپنے اپارٹمنٹ کی حالت زار سے مطلع کیا جو بڑی دلچسپ ہے۔
یہ بھی پڑھیں: بھارتی فوج کی بوکھلاہٹ، ایل او سی پر پکڑے گئے کبوتر کو ’جاسوس‘ قرار دیدیا
انہوں نے اس حوالے سے ایک ویڈیو بھی شیئر کی جس میں کئی درجن کبوتر فرنیچر پر بیٹھے نظر آ رہے تھے جیسے پورا اپارٹمنٹ انہی کا ہے اور پورا فرش کبوتر کے فضلہ اور پر سے ڈھک گیا ہے۔
غیر ملکی میڈیا کے مطابق آدمی 3 سال قبل ورکوتا چھوڑ کر سائبیریا میں کام کرنے گیا تھا لیکن ایک کھڑکی بند کرنا بھول گیا۔ یہی کافی تھا کہ مقامی کبوتر اپارٹمنٹ میں بس جائیں اور ان کے اپارٹمنٹ کو کبوتروں کا ایک شہر بنا دیں۔
مالک مکان کا کہنا ہے کہ میں 3 سال پہلے ورکوتا چھوڑ گیا تھا۔ اس دوران کیا ہو سکتا تھا؟ میں واپس آیا اور یہ دیکھتا ہوں کہ یہ کبوتر کا ’دبئی‘ بن گیا ہے! گھونسلے، پر اور اتنا فضلہ کہ نیا فرش ڈالنا پڑگیا۔ وہ مجھے ایسے دیکھتے ہیں جیسے میں ان کا کرائے دار ہوں اور کرایہ ادا نہیں کیا ہے۔ انہوں نے کہا کہ یوں لگ رہا تھا جیسے میں کبوتروں کی ریاست میں ہجرت کرکے آگیا ہوں۔
مزید پڑھیے: مسجد الحرام کے اطراف کبوتروں کو کھلانے پر 1 ہزار ریال جرمانے کی وارننگ
ویڈیو روسی سوشل میڈیا پر تیزی سے وائرل ہوئی اور صارفین نے مزاحیہ تبصرے کیے لیکن مالک کو واقعی ہنسی نہیں آ رہی۔
ماہرین کے مطابق اپارٹمنٹ کی مرمت اور ساری فرنیچر بدلنے میں تقریباً 15 لاکھ سے 20 لاکھ روبل خرچ آئیں گے جو اپارٹمنٹ کی موجودہ مارکیٹ قیمت کے برابر ہے۔
ماہرین نے خبردار کیا کہ کبوتر مختلف بیماریوں جیسے برڈ فلو اور پسٹاکوسس کا سبب بن سکتے ہیں اس لیے فرش اور دیواروں پر خاص کیمیکلز سے صفائی کرنا لازمی ہے تاکہ کوئی جراثیم باقی نہ رہیں۔
سوشل میڈیا پر کسی نے مشورہ دیا کہ نیا اپارٹمنٹ خریدنا سستا پڑے گا۔
مزید پڑھیں: کراچی میں کبوتروں سے پھیلنے والی پھیپھڑوں کی بیماری میں اضافہ، خواتین زیادہ متاثر
جبکہ ایک اور شخص نے مذاق میں کہا کہ کم از کم کبوتر نے مالک کے لیے ناشتہ چھوڑ دیا کیونکہ انہوں نے اپارٹمنٹ میں انڈے دے دیے۔
