پی ایس ایل 11 سے قبل لاہور قلندرز کو بڑا دھچکا لگا ہے جہاں سری لنکن آل راؤنڈر داسن شناکا نے ٹورنامنٹ سے دستبرداری اختیار کر لی، جبکہ ٹیم نے ان کی جگہ آسٹریلوی کھلاڑی ڈینیل سیمز کو شامل کر لیا ہے۔
دفاعی چیمپئن لاہور قلندرز نے اعلان کیا ہے کہ سری لنکا کے کپتان داسن شناکا ذاتی وجوہات کی بنا پر پی ایس ایل 11 میں شرکت نہیں کریں گے۔ فرنچائز کے مطابق ان کی جگہ آسٹریلیا کے آل راؤنڈر ڈینیل سیمز کو اسکواڈ میں شامل کیا گیا ہے۔
🚨 ANOTHER PLAYER LEAVES PSL FOR IPL 🚨
– Sri Lankan captain Dasun Shanaka has decided to pull out of the Pakistan Super League and join the Indian Premier League 2026.
– Shanaka was picked by Lahore Qalandars in the PSL auction for PKR 2.2 crore. pic.twitter.com/BTW2Xz0NEZ
— Tripurari Chaudhary (@TripurariMedia) March 22, 2026
ٹیم انتظامیہ نے سوشل میڈیا بیان میں کہا کہ ڈینیل سیمز بیٹنگ اور بولنگ دونوں شعبوں میں ٹیم کے لیے اہم کردار ادا کریں گے اور شائقین کو ان سے اچھی کارکردگی کی توقع ہے۔
رپورٹس کے مطابق داسن شناکا کو آئی پی ایل کی فرنچائز راجستھان رائلز نے انگلینڈ کے زخمی آل راؤنڈر سیم کرن کے متبادل کے طور پر شامل کیا ہے، جس کے باعث انہوں نے پی ایس ایل سے دستبرداری اختیار کی۔
یہ بھی پڑھیں:پشاور زلمی میں بنگلہ دیش کے اوپنر تنزید حسن تمیم شامل
ڈینیل سیمز اس سے قبل بھی پی ایس ایل میں کراچی کنگز اور پشاور زلمی کی نمائندگی کر چکے ہیں اور مختلف عالمی لیگز میں کھیلنے کا وسیع تجربہ رکھتے ہیں۔
دوسری جانب پی ایس ایل 11 کا آغاز 26 مارچ سے ہوگا، جس میں 8 ٹیمیں حصہ لیں گی۔ پاکستان کرکٹ بورڈ کے مطابق ٹورنامنٹ کے تمام میچز کراچی اور لاہور میں ہوں گے جبکہ موجودہ صورتحال کے باعث شائقین کو اسٹیڈیم میں آنے کی اجازت نہیں ہوگی۔
لاہور قلندرز کے اسکواڈ میں شاہین شاہ آفریدی، فخر زمان، حارث رؤف اور دیگر اہم کھلاڑی شامل ہیں، اور ٹیم ایک بار پھر ٹائٹل کے دفاع کے لیے پرعزم ہے۔
