عید کے دنوں میں پاکستان ریلوے نے کتنی آمدنی حاصل کی؟

پاکستان ریلوے نے عید کے 3 دنوں کے دوران مسافر ٹرینوں سے ریکارڈ آمدنی حاصل کی ہے جو ادارے کی تاریخ میں ایک اہم سنگ میل ہے۔

یہ بھی پڑھیں: پاکستان ریلوے کی کایا پلٹنے کا فیصلہ، وزیراعظم کا منافع بخش ادارہ بنانے کی ہدایت

ریلوے ترجمان کے مطابق عید کے پہلے دن آمدن 11 کروڑ روپے، دوسرے دن 17 کروڑ روپے اور تیسرے دن 20 کروڑ روپے سے زائد رہی۔

ترجمان نے بتایا کہ گزشتہ ایک ہفتے کے دوران مسافر ٹرینوں سے کل 1 ارب روپے سے زائد آمدن حاصل ہوئی ہے۔

ریکارڈ آمدنی مثبت پالیسیوں کا حصہ ہے، حنیف عباسی

دریں اثنا وفاقی وزیر ریلوے حنیف عباسی نے کہا کہ یہ ریکارڈ آمدن ریلوے کی مثبت پالیسیوں کا نتیجہ ہے۔

انہوں نے مزید کہا کہ اس پر ریلوے انتظامیہ مبارکباد کی مستحق ہے۔

حنیف عباسی نے کہا کہ بہتر سہولیات اور مضبوط ٹریک کی فراہمی مسافروں کا حق ہے جس پر کام جاری ہے۔

مزید پڑھیے: تیل کی قیمتیں بڑھنے کے بعد پاکستان ریلوے کے کرایوں میں بھی اضافہ

وزیر ریلوے نے اعلان کیا کہ اگلے 3 سال کے اندر کراچی سے روہڑی ٹریک کو مکمل اپ گریڈ کیا جائے گا جس سے سفر کی رفتار اور سہولت دونوں میں بہتری آئے گی۔