بالی وڈ کے نامور فلم پروڈیوسر بونی کپور نے حالیہ تصویر شیئر کرتے ہوئے انکشاف کیا ہے کہ انہوں نے 26 کلو گرام وزن کم کر لیا ہے۔
بونی کپور نے اپنے آفیشل انسٹاگرام اکاؤنٹ پر اپنی اور سری دیوی کی ایک ایڈیٹ شدہ تصویر شیئر کرتے ہوئے لکھا کہ مجھے یقین ہے کہ سری دیوی مجھے اس صورت میں دیکھ کر بہت خوش ہوتیں۔
View this post on Instagram
بونی کپور طویل عرصے تک وزن کے مسئلے کا شکار رہے، اب حال ہی میں انہوں نے اتنا وزن کم کر کے مداحوں کو حیران کر دیا ہے۔ وزن میں تبدیلی کے ساتھ ساتھ بونی کپور نے اپنے بال بھی نئے انداز سے بنائیں ہیں۔
واضح رہے کہ جھانوی کپور نے حال ہی میں ’کپل شرما شو‘ میں بتایا کہ زندگی میں سری دیوی نے بارہا کوشش کی کہ بونی کپور کو واک پر لے جائیں لیکن وہ اس میں کامیاب نہیں ہو سکیں۔
یہ بھی پڑھیں: میڈیا نے میری والدہ سری دیوی کی موت کو میم بنا دیا، اداکارہ جھانوی کپور کی سخت تنقید
بونی اور سری دیوی پہلی بار 1987 کی فلم ’مسٹر انڈیا‘ کے سیٹ پر ملے۔ انہوں نے 1996 میں شادی کی ان کی دو بیٹیاں جھانوی کپور اور خوشی کپور۔ سری دیوی 2018 میں دبئی میں حادثاتی طور پر ڈوبنے سے 54 سال کی عمر میں وفات پا گئیں۔
بونی کپور اکثر اپنی مرحومہ بیوی کو انسٹاگرام پر یاد کرتے ہیں اور پرانی یادیں شیئر کرتے ہیں۔ گزشتہ سال اگست میں، سری دیوی کی 62 ویں سالگرہ پر، بونی نے 1990 کی ایک یادگار لمحے کو یاد کیا جب انہوں نے سری دیوی کی سالگرہ پر انہیں خوش 26 ویں سالگرہ کی مبارکباد دی تھی جبکہ وہ اپنی 27 ویں سالگرہ منا رہی تھیں۔ بونی نے لکھا کہ سری دیوی نے اس تعریف کو مذاق سمجھ لیا تھا۔
