اردن کے ولی عہد شہزادہ حسین کی شادی ایک سعودی آرکیٹیکٹ رجوہ آل سيف سے ہوئی ہے جس میں علاقائی اور عالمی رہنماؤں نے شرکت کی ہے۔ اردن کی شاہی شادی کی تقریب میں تقریباً 1700 اہم شخصیات مدعو تھیں۔
اردن کے بادشاہ عبداللہ دوم اور ملکہ رانیہ کی موجودگی میں شادی کی یہ تقریب دارالحکومت عمان کے ظہران پیلس میں ہوئی۔
![](https://wenews.pk/wp-content/uploads/2023/06/Nikah.jpg)
شادی میں ایشیا اور یورپ کی شاہی شخصیات کے علاوہ امریکی خاتون اول جِل بائیڈن نے بھی شرکت کی، برطانیہ کے شہزادہ ولیم اور شہزادی کیٹ بھی اس شادی کے مہمان بنے ہیں۔
اردن کی اس شاہی شادی کی تقریب میں شرکت کرنے والی دیگر قابل ذکر شخصیات میں ہالینڈ کے بادشاہ ولیم الیگزینڈر اور ملکہ میکسیما، بیلجیئم سے بادشاہ فلپ، شہزادی الزبتھ اور ڈینمارک سے شہزادہ فریڈرک اور شہزادی میری شامل ہیں۔
![](https://wenews.pk/wp-content/uploads/2023/06/British-prince.jpg)
سعودی میڈیا کے مطابق ریاض میں پیدا ہونے والی اردن کی نئی شہزادی رجوہ آل سیف کے خاندان کا سعودی شاہی خاندان اورخاص طور پر ولی عہد محمد بن سلمان کے خاندان سے قریبی تعلقات ہیں۔
29 سالہ سعودی آرکیٹیکٹ اور نیویارک کی سائرا کیویز یونیورسٹی سے گریجویٹ رجوہ السیف کو اردن کی ولی عہد شہزادی کے نام سے جانا جائے گا اور جب ولی عہد تخت سنبھالیں گے تو ان کا لقب ملکہ رجوہ ہوگا۔
مزید پڑھیں
نکاح کی تقریب اسلامی روایات کے مطابق منعقد کی گئی، جہاں شاہی امام نے شادی سے متعلق مختصر درس دیا اور نکاح نامہ پر دستخط کروائے۔
"رجوة اللطف والود ووجه الخير والسعد من اختارها الحسين رفيقة لدربه ومؤنسة لقلبه" … مراسم عقد قران ولي العهد الأمير الحسين والآنسة رجوة#نفرح_بالحسين #المملكة_تفرح_بالحسين #الأمير_الحسين #ولي_العهد #زفاف_ولي_العهد #زفاف_الحسين #الزفاف_الملكي #هنا_المملكة pic.twitter.com/uw8fLFppQh
— قناة المملكة (@AlMamlakaTV) June 1, 2023
شادی کے بعد ایک شاہی فرمان میں رجوہ آل سیف کو اردن کے ولی عہد شہزادہ حسین کی اہلیہ اور شہزادی کا درجہ دیا گیا۔
![](https://wenews.pk/wp-content/uploads/2023/06/Outside.jpg)
تقریب کے بعد محل کے باہر پرجوش ہجوم نے خوشی کا اظہار کیا اور جھنڈے لہرائے۔ عربی روایت کے مطابق نئے جوڑے کو دارالحکومت میں چھ میل کے راستے پر موٹر کار قافلے کی صورت میں لے جایا گیا، سڑکوں کو نئے جوڑے کی تصاویر اور اردن کے پرچم سے سجایا گیا تھا۔