وزیر دفاع خواجہ محمد آصف نے اعلان کیا ہے کہ پاکستان انٹرنیشنل ایئرلائنز (پی آئی اے) 29 اور 30 مارچ 2026 سے بالترتیب اسلام آباد اور لاہور سے لندن ہیتھرو ایئرپورٹ کے لیے براہِ راست پروازیں شروع کر رہی ہے۔
مزید پڑھیں: لندن کے لیے پی آئی اے پروازوں کی بحالی کا اعلان، دیگر شہروں تک توسیع کی کوشش
ایکس پوسٹ میں انہوں نے برطانیہ میں مقیم پاکستانی کمیونٹی، بزرگوں، کاروباری افراد اور طلبہ کو مبارکباد دیتے ہوئے کہا کہ ان براہِ راست پروازوں سے وقت اور اخراجات میں نمایاں بچت ہوگی۔
وزیر دفاع نے کہا کہ حکومت نے مانچسٹر کے لیے پروازوں کے آغاز کے فوراً بعد لندن کے لیے براہِ راست پروازوں کی بحالی کے لیے مؤثر اقدامات کیے۔
I am delighted to announce that PIA is commencing direct flights from Islamabad and Lahore to London Heathrow on 29 and 30 March 2026 respectively. Congratulations to the entire Pakistani diaspora in the United Kingdom, elderly people, businessmen and large number of students who…
— Khawaja M. Asif (@KhawajaMAsif) March 26, 2026
انہوں نے اس موقع پر برٹش ہائی کمیشن پاکستان، برطانوی شعبہ ٹرانسپورٹ، وزارتِ دفاع، پاکستان سول ایوی ایشن اتھارٹی اور پی آئی اے کی کاوشوں کو سراہا۔
انہوں نے مزید کہا کہ یہ کامیابی پی آئی اے کی بروقت نجکاری اور قلیل مدت میں ہونے والی بہتری کا نتیجہ ہے۔ پاکستانی عوام جلد ہی پی آئی اے کے بیڑے میں اضافے اور برطانیہ، یورپ اور کینیڈا کے لیے مزید براہِ راست پروازوں کی بحالی دیکھیں گے۔ حکومت امریکی ایوی ایشن اتھارٹی کے ساتھ بھی براہِ راست پروازوں کی بحالی کے لیے کام کر رہی ہے۔
مزید پڑھیں: پی آئی اے نے فجیرہ کے لیے پروازیں معطل کر دیں، العین کے لیے جاری
آخر میں انہوں نے کہا کہ پاکستان کی ہوا بازی کی صنعت میں مثبت تبدیلیوں کو عالمی سطح پر تسلیم کیا جا رہا ہے اور تمام شراکت داروں کے لیے روشن مستقبل کی امید ظاہر کی۔
