سعودی عرب کے وزیر خارجہ شہزادہ فیصل بن فرحان بن عبد اللہ اپنے سرکاری دورے کے دوران وزارت خارجہ پہنچے جہاں نائب وزیراعظم و وزیر خارجہ سینیٹر محمد اسحاق ڈار نے ان کا استقبال کیا۔ دونوں رہنماؤں کے درمیان خطے کی بدلتی ہوئی صورتحال پر جامع مشاورت کا فیصلہ کیا گیا ہے۔
Deputy Prime Minister/Foreign Minister Senator Mohammad Ishaq Dar @MIshaqDar50 received H.H. Prince Faisal bin Farhan Al Saud @FaisalbinFarhan , Foreign Minister of the Kingdom of Saudi Arabia, at the Ministry of Foreign Affairs today. The two sides will engage in comprehensive… pic.twitter.com/W4weMUmkT9
— Ministry of Foreign Affairs – Pakistan (@ForeignOfficePk) March 29, 2026
سعودی وزیر خارجہ اس دورے پر پاکستان نائب وزیراعظم اسحاق ڈار کی دعوت پر پہنچے ہیں اور وہ اہم سفارتی سرگرمیوں میں حصہ لے رہے ہیں۔ ذرائع کے مطابق وہ چہار فریقی اجلاس میں بھی شرکت کریں گے، جس میں علاقائی کشیدگی اور مجموعی صورتحال پر تفصیلی غور کیا جائے گا، جبکہ اجلاس کی صدارت اسحاق ڈار کریں گے۔
یہ بھی پڑھیں:مشرق وسطیٰ کشیدگی کے دوران اہم سفارتی کردار، پاکستان خطے میں اہم ملک کے طور پر ابھرنے لگا
دورے کے دوران دونوں ممالک کے درمیان دوطرفہ تعلقات، باہمی تعاون اور علاقائی امور پر قریبی رابطہ مزید مضبوط بنانے پر بھی تبادلہ خیال ہوگا۔ اس موقع پر دونوں ممالک نے اس عزم کا اعادہ کیا کہ پاکستان اور سعودی عرب خطے میں امن، استحکام اور مؤثر سفارت کاری کے لیے مسلسل رابطہ اور تعاون جاری رکھیں گے۔
Saudi Foreign Minister Faisal bin Farhan al Saud @FaisalbinFarhan arrived in Islamabad on an official visit at the invitation of Deputy Prime Minister/Minister for Foreign Affairs Senator Mohammad Ishaq Dar @MIshaqDar50. He was recieved by Additional Secretary Middle East Syed… pic.twitter.com/f5A0zdWyvA
— Ministry of Foreign Affairs – Pakistan (@ForeignOfficePk) March 29, 2026
قبل ازیں اسلام آباد آمد پر ایڈیشنل فارن سیکرٹری (مشرق وسطیٰ) سید احمد معروف نے سعودی وزیر خارجہ کا استقبال کیا تھا۔ یہ دورہ پاکستان اور سعودی عرب کے درمیان برادرانہ تعلقات اور مشترکہ حکمت عملی کی عکاسی کرتا ہے۔
