اسلام آباد کی ڈسٹرکٹ اینڈ سیشن کورٹس میں ٹک ٹاکر ثنا یوسف کے قتل کیس کی سماعت ہوئی۔
یہ بھی پڑھیں: اسلام آباد ہائیکورٹ کا بڑا فیصلہ: ٹک ٹاکر ثنا یوسف قتل کیس میں ملزم کی درخواست مسترد
ایڈیشنل ڈسٹرکٹ اینڈ سیشن جج محمد افضل مجوکہ نے کیس کی سماعت کی۔
سماعت کے دوران سرکاری وکیل راجہ نوید حسین عدالت میں پیش ہوئے۔ تاہم ہائیکورٹ میں کیس زیر سماعت ہونے کے باعث مزید گواہان پر جرح نہ ہو سکی۔
عدالت نے ریمارکس دیے کہ اگر ہائیکورٹ کی جانب سے ٹرائل کے حوالے سے کوئی حکم جاری کیا گیا ہے تو اسے پیر تک پیش کیا جائے۔
بعد ازاں عدالت نے کیس کی مزید سماعت 6 اپریل تک ملتوی کر دی۔
مزید پڑھیے: ٹک ٹاکر ثنا یوسف قتل کیس میں اہم پیشرفت سامنے آگئی
یاد رہے کہ گزشتہ برس 2 جون کو اسلام آباد میں 17 سالہ سوشل میڈیا انفلوئنسر ثنا یوسف کو ان کے گھر میں فائرنگ کرکے قتل کردیا گیا تھا۔
