وفاقی وزیر خزانہ محمد اورنگزیب نے وزیراعلیٰ خیبرپختونخوا سہیل آفریدی کو یقین دہانی کرائی ہے کہ جائز مسائل کے حل کے لیے مکمل تعاون کیا جائےگا۔
وفاقی وزیر خزانہ سینیٹر محمد اورنگزیب اور وزیر اعلیٰ خیبرپختونخوا سہیل آفریدی کے درمیان ملاقات ہوئی ہے۔
وزارت خزانہ کے مطابق وفاقی وزیر خزانہ اور وزیراعلیٰ خیبرپختونخوا کے درمیان ملاقات خوشگوار ماحول میں ہوئی۔
ملاقات کے دوران وزیر اعلیٰ نے صوبے کو درپیش معاشی اور مالی مسائل سے آگاہ کیا، جس پر وزیر خزانہ نے ان مسائل کے حل کے لیے مکمل تعاون کی یقین دہانی کرائی۔
دونوں رہنماؤں نے معاشی استحکام اور ترقی کے لیے باہمی روابط بڑھانے پر اتفاق کیا اور وفاقی حکومت نے صوبوں کو مالی چیلنجز سے نمٹنے میں تعاون جاری رکھنے کے عزم کا اعادہ کیا۔
