پاکستان سپر لیگ (پی ایس ایل) 11 میں اسلام آباد یونائیٹڈ اور پشاور زلمی کے درمیان آج شیڈول میچ بارش کے باعث منسوخ کر دیا گیا۔
لاہور میں آندھی اور موسلا دھار بارش کے باعث گراؤنڈ پانی سے بھر گیا، جس کے نتیجے میں ٹاس بھی نہ ہو سکا۔
میچ آفیشلز نے متعدد بار حالات کا جائزہ لینے کے بعد بالآخر مقابلہ منسوخ کرنے کا فیصلہ کیا۔
میچ نہ ہونے کی صورت میں دونوں ٹیموں کو ایک، ایک پوائنٹ دے دیا گیا۔
اس کے بعد پشاور زلمی 3 پوائنٹس کے ساتھ پوائنٹس ٹیبل پر دوسرے نمبر پر آ گئی ہے، جبکہ اسلام آباد یونائیٹڈ دو میچز کے بعد ایک پوائنٹ کے ساتھ چھٹی پوزیشن پر موجود ہے۔
