امریکی صدر ڈونلڈ ٹرمپ کے ایران جنگ سے نکلنے کے اعلان کے بعد آج پاکستان سمیت دنیا بھر کی اسٹاک مارکیٹس میں کاروبار کے دوران تیزی دیکھی جا رہی ہے۔
مزید پڑھیں: ٹرمپ کے ایران جنگ سے نکلنے کے اعلان کے بعد عالمی اور پاکستان اسٹاک مارکیٹس میں تیزی
پاکستان اسٹاک ایکسچینج میں آج کاروبار کا آغاز مثبت رجحان کے ساتھ ہوا، جہاں 100 انڈیکس 7,461 پوائنٹس اضافے کے ساتھ 156,204 پر پہنچ گیا، جبکہ KSE-30 انڈیکس 2,390 پوائنٹس کے اضافے کے بعد 47,422 پر بند ہوا۔
30 انڈیکس میں کاروبار کے دوران 5.02 فیصد اضافہ ریکارڈ ہونے کے بعد حصص بازار میں کاروبار 45 منٹ کے لیے معطل کر دیا گیا اور دوبارہ ایک بج کر 9 منٹ پر کھولا گیا۔
مزید پڑھیں: شدید مندی کے بعد پاکستان اسٹاک مارکیٹ کا تیزی سے آغاز، وجوہات کیا ہیں؟
ڈونلڈ ٹرمپ کے اعلان کے اثرات عالمی مارکیٹس پر بھی نظر آئے، جہاں گزشتہ روز نیویارک اسٹاک ایکسچینج کا ڈاؤ جونز 2.49 فیصد اضافے کے ساتھ بند ہوا۔
ایشیا کی مارکیٹس میں بھی مثبت رجحان دیکھا گیا، جاپان کے نکئی میں 9 فیصد اضافہ، جبکہ ہانگ سینگ، نفٹی ففٹی اور یورپی مارکیٹس میں بھی مارکیٹیں بڑھتی ہوئی نظر آئیں۔
