پوائنٹلزم یعنی نقظوں سے فن پارے بننے کے بارے جب سنا تو دل میں یہی خیال آیا کہ یہ آرٹ کی وہی قسم ہے جس پر ہم بچپن میں ہی مہارت حاصل کر چکے ہیں۔ مگر ‘نونہال’ اور ‘پھول اور کلیاں’ میں “نقطے ملائیے” والے آرٹسٹ نے جب اسلام آباد کی رہائشی بنفشین کو نقطے ملا کر تصاویر بناتے دیکھا تو قطرہ قطرہ دریا ہونے کی فارسی کہاوت یاد آ گئی۔
بنفشین کا کہنا ہے کہ صرف ان کا آرٹ ہی نہیں کائنات کی ہر شے چھوٹے چھوٹے نقطوں (ایٹم) سے بنی ہے، حتیٰ کہ جاندار بھی بے شمار خلیوں کا مجموعہ ہیں۔ پوائنٹلزم آرٹ کی ایک قدیم قسم ہے اور بنفشین 2016ء سے اس پر کام کر رہی ہیں جب وہ گیارہویں جماعت میں پڑھتی تھیں۔ تب سے یہ آرٹ ان کے گلے کا ہار ہے اور ان کا زیادہ تر وقت ہزاروں نقطوں سے دلکش فن پارے تخلیق کرنے میں ہی گزرتا ہے۔
نوجوان آرٹسٹ کے مطابق اس آرٹ کو بنانے کے دوران ان کی ساری توجہ ایک ایک نقطے پر مرکوز ہوتی ہے جس کے باعث انہیں ذہنی سکون و روحانی تمانیت ملتی ہے۔ پوائنٹلزم کے تخلیقی فن بارے مزید جانیں سندس کرن کی ویڈیو رپورٹ میں ۔۔۔۔
