وزارت مواصلات نے اعلان کیا ہے کہ وزیراعظم پاکستان شہباز شریف کی خصوصی ہدایات پر عمل کرتے ہوئے وفاقی وزیر مواصلات عبدالعلیم خان نے ٹول ٹیکس میں سہ ماہی 25 فیصد اضافے کو فوری طور پر واپس لینے کا فیصلہ کیا ہے۔
وزیراعظم پاکستان شہباز شریف کی خصوصی ہدایات پر عملدرآمد کرتے ہوئے، وفاقی وزیر مواصلات عبدالعلیم خان کی جانب سے ٹول ٹیکس میں 25 فیصد سہ ماہی اضافے کو فوری طور پر واپس لینے کا باضابطہ اعلان۔ ملک کی موجودہ اقتصادی صورتحال کے پیشِ نظر وزارت نے مالی سال 26-2025 کے لیے ٹول ٹیکس میں… pic.twitter.com/ntB0QQv7Mk
— Ministry of Communications, Islamabad (@MoC_GoP) April 3, 2026
وزارت مواصلات کے مطابق ملک کی موجودہ اقتصادی صورتحال کو مدنظر رکھتے ہوئے مالی سال 2025-26 کے لیے ٹول ٹیکس میں کسی قسم کا اضافہ نہیں کیا گیا، تاکہ عوام کو مسلسل ریلیف اور سہولت فراہم کی جا سکے۔ وزیر اعظم کی ہدایت کے مطابق عوام کی مشکلات کو کم کرنے کے لیے تمام ممکنہ اقدامات اٹھائے جائیں گے۔
یاد رہے کہ نیشنل ہائی وے اتھارٹی نے ملک بھر میں ٹول ٹیکس کی شرحوں میں اضافہ کرتے ہوئے باقاعدہ نوٹیفکیشن جاری کیا تھا جس کے مطابق نئی قیمتوں کا اطلاق 5 اپریل سے ہونا تھا۔ اس اعلان کے بعد موٹر کارز، موٹرویز اور مختلف شاہراہوں پر ٹول ٹیکس میں نمایاں اضافہ ہوا، جیسے ایم ون موٹروے پر کار کا ٹول 700 روپے اور ایم فور پر 1300 روپے تک پہنچ گیا، جبکہ بڑی گاڑیوں کے ٹول 7000 روپے سے بھی تجاوز کر گئے۔
یہ بھی پڑھیں:این ایچ اے نے ٹول ٹیکس بڑھا دیا، اطلاق 5 اپریل سے ہوگا
تاہم وزیراعظم پاکستان شہباز شریف کی خصوصی ہدایات پر عمل کرتے ہوئے وفاقی وزیر مواصلات عبدالعلیم خان نے ٹول ٹیکس میں سہ ماہی 25 فیصد اضافے کو فوری طور پر واپس لینے کا اعلان کر دیا ہے۔
