بنگلہ دیشی دارالحکومت ڈھاکہ میں تعینات پاکستانی ہائی کمشنر عمران حیدر نے بنگلہ دیشی وزیر برائے ثقافتی امور نیتائی رائے چوہدری اور مملکتی وزیر علی نواز محمود خیوم سے علیحدہ علیحدہ ملاقاتیں کیں۔
ڈھاکہ میں ہونے والی ان ملاقاتوں کے دوران ثقافتی شعبے میں باہمی دلچسپی کے امور پر تبادلہ خیال کیا گیا، جن میں فنون، ورثے کے تحفظ اور ثقافتی تبادلوں کے ذریعے دوطرفہ تعاون کو فروغ دینے کے امکانات شامل تھے۔
دونوں جانب سے اس بات پر زور دیا گیا کہ ثقافتی سرگرمیوں کے ذریعے عوامی سطح پر روابط کو مضبوط بنانا نہایت اہم ہے اور اس مقصد کے لیے مشترکہ پروگرامز اور تعاون کے نئے مواقع تلاش کرنے پر آمادگی کا اظہار کیا گیا۔
ان ملاقاتوں کو خوشگوار قرار دیا گیا، جو دونوں ممالک کے درمیان ثقافتی تعلقات کو مزید مضبوط بنانے کے مشترکہ عزم کی عکاسی کرتی ہیں۔
