نامور اداکار ہمایوں سعید نے سینیئر اداکارہ عتیقہ اوڈھو کے حالیہ بیان پر تنازع پیدا کرنے کے بجائے احترام اور خوش مزاجی کا مظاہرہ کرتے ہوئے ردعمل دیا ہے۔
ایک گفتگو کے دوران ہمایوں سعید نے دونوں کی آن اسکرین جوڑی اور عمر کے فرق سے متعلق جاری بحث پر بات کرتے ہوئے کہا کہ وہ اپنے سینیئر ساتھی فنکاروں کا ہمیشہ احترام کرتے ہیں۔ انہوں نے بتایا کہ ماضی میں عتیقہ اوڈھو کے ساتھ ہیرو کے طور پر کام کرنے کے باوجود ان کے درمیان عمر کا فرق واضح تھا۔
یہ بھی پڑھیں: گھر پر پیش آیا فلمی منظر،جب ہمایوں سعید کو ’دیوانی مداح‘ سے اہلیہ نے بچایا
ہمایوں سعید نے یاد کیا کہ ڈراما تم ہی تو ہو کے وقت عتیقہ اوڈھو پہلے ہی ایک معروف اداکارہ تھیں جبکہ وہ خود شوبز انڈسٹری میں نسبتاً نئے تھے۔ ڈرامے کی کہانی بھی اسی پہلو کے گرد گھومتی تھی جس میں عتیقہ اوڈھو ایک کامیاب شخصیت جبکہ وہ ایک عام بینکر کے کردار میں دکھائے گئے جو ان سے محبت کر بیٹھتا ہے۔
View this post on Instagram
انہوں نے کہا کہ عتیقہ اوڈھو اکثر انٹرویوز میں ذکر کرتی ہیں کہ وہ کبھی ان کی ہیروئن رہ چکی ہیں، جسے وہ مثبت انداز میں لیتے ہیں اور اس بات پر انہیں کوئی برا محسوس نہیں ہوتا۔ ہمایوں سعید کے مطابق عتیقہ اوڈھو اور نادیہ خان ان کے لیے بڑی بہنوں کی طرح ہیں اور وہ دونوں کی بے حد عزت کرتے ہیں۔
یہ بھی پڑھیں: ’2,4 سرجریاں مزید کرا لیں‘، فہد مصطفیٰ کا عتیقہ اوڈھو کے مشورے پر طنزیہ وار
یہ گفتگو اس وقت سامنے آئی جب عتیقہ اوڈھو نے ایک ٹی وی پروگرام میں اداکار فہد مصطفیٰ کو مشورہ دیتے ہوئے کہا تھا کہ اب انہیں اپنی عمر کے قریب اداکاراؤں کے ساتھ کام کرنا چاہیے۔
View this post on Instagram
بعد ازاں فہد مصطفیٰ نے ایک لائیو پروگرام میں مزاحیہ انداز اپناتے ہوئے کہا کہ اب وہ صرف عتیقہ اوڈھو کے مقابل ہی کام کریں گے اور ہنستے ہوئے تبصرہ کیا کہ شاید انہیں ہیروئن کے طور پر ساتھ کام کرنے سے پہلے چند مزید سرجریز کی ضرورت پڑے۔ ان کے اس جملے نے گفتگو کو مزاحیہ رنگ دے دیا اور شوبز انڈسٹری کے دوستانہ ماحول کی جھلک پیش کی۔
