امریکی ٹی وی صحافی سوانا گتھری(Savannah Guthrie) 2 ماہ سے زائد عرصہ گزرنے کے بعد اپنے شو ٹوڈے شو (Today show) میں بطور شریک میزبان واپس آ گئیں، جبکہ ان کی 84 سالہ والدہ کا اغوا تاحال معمہ بنا ہوا ہے۔
مزید پڑھیں: بھارتی حکام سے حقوق انسانی تنظیم کا روہنگیا ماں کی رہائی کا مطالبہ
سوموار کی صبح مین ہیٹن میں واقع اسٹوڈیو میں گتھری نے صبح 7 بجے پروگرام کا آغاز کیا اور امریکا کی ایران سے جنگ اور آرٹیمس ٹو مشن سمیت اہم خبروں پر گفتگو کی، جس کے بعد مختصراً اپنی غیرحاضری کا ذکر کیا۔
انہوں نے ناظرین سے کہا کہ وہ دوبارہ شو میں آ کر خوش ہیں، جبکہ ان کے شریک میزبان نے ان کا خیرمقدم کرتے ہوئے کہا کہ انہیں واپس دیکھ کر خوشی ہوئی۔
گتھری آخری بار جنوری میں شو میں نظر آئی تھیں، جس کے کچھ ہی عرصے بعد ان کی والدہ نینسی گتھری کو ایریزونا کے شہر ٹکسن کے قریب ان کے گھر سے اغوا کر لیا گیا۔ واقعے سے قبل ایک مسلح شخص کو ڈور بیل کیمرے کے ساتھ چھیڑ چھاڑ کرتے ہوئے ریکارڈ کیا گیا تھا۔
بعد ازاں گتھری اور ان کے بہن بھائیوں نے اپنی والدہ کی بازیابی کے لیے جذباتی اپیلیں جاری کیں اور ایک ملین ڈالر انعام کا اعلان بھی کیا، تاہم اب تک ان کا کوئی سراغ نہیں مل سکا۔
مزید پڑھیں: امریکا: ٹیکساس میں شدید سیلاب سے 13 افراد ہلاک، 20 بچے لاپتا، ایمرجنسی نافذ
فروری میں جاری ایک ویڈیو بیان میں گتھری نے کہا تھا کہ ان کا خاندان اب بھی امید کی ایک کرن تھامے ہوئے ہے، تاہم انہوں نے یہ بھی تسلیم کیا کہ ممکن ہے ان کی والدہ اب زندہ نہ ہوں۔
